Амалга ошириш муддати: 2025 – 2028 йиллар
Асосий кўрсаткичлар
| Лойиҳа иштирокчилари – йилига камида 5 минг нафар ёш | Семинар ва тренингларда иштирок этувчилар – камида 3 минг нафар | Ёшлар томонидан берилган қонунчилик ташаббуслари – камида 150 та |
01 Лойиҳанинг долзарблиги
Ёшларнинг ҳуқуқий ва сиёсий фаоллиги мамлакатимизда демократик давлат ва кучли фуқаролик жамиятини барпо этишда ҳал қилувчи аҳамиятга эга. Ҳозирги кунда ёшлар орасида ҳуқуқий саводхонлик ва қонунчилик жараёнларини тушуниш даражаси етарли эмас, уларнинг парламент ва маҳаллий кенгашлардаги иштироки кам.
“Парламентда ёшларнинг ўрни” лойиҳаси ёшларни давлат ва жамият бошқарувига кенг жалб қилиш, парламентда ёшлар муаммоларига алоҳида эътибор қаратиш, ҳуқуқий билим ва сиёсий маданиятни ошириш ҳамда партия тизимида истиқболли ёш кадрлар захирасини шакллантиришда долзарб аҳамият касб этади.
02 Лойиҳанинг мақсади
Ёшларни мамлакатимизда ҳуқуқий демократик давлат ва кучли фуқаролик жамияти барпо этилиши жараёнига кенг жалб қилиш, депутатлик гуруҳларининг йиғилишлари кун тартибига ёшлар муаммолари билан боғлиқ масалаларни олиб чиқиш, Ўзбекистон Республикаси Президенти Ш.Мирзиёевнинг маърузаларидан келиб чиқадиган партиявий вазифаларни амалга ошириш.
03 Лойиҳанинг вазифалари
- Ёшларни мамлакатимизда ҳуқуқий демократик давлат ва кучли фуқаролик жамияти барпо этилиши жараёнига кенг жалб қилиш нафақат уларнинг жамиятдаги фаоллигини ошириш, балки мамлакатнинг келажак тараққиётига мустаҳкам пойдевор яратиш, бу жараёнда ёшларнинг сиёсий, ижтимоий ва иқтисодий жараёнларда фаол иштирок этишини таъминлаш, уларнинг фикр-мулоҳазаларини амалиётга татбиқ этиш имкониятларини кенгайтириш, шу билан бирга, депутатлик гуруҳларининг йиғилишлари кун тартибига ёшлар муаммолари билан боғлиқ масалаларни олиб чиқиш, уларни ҳал қилиш учун зарур бўлган ҳуқуқий ва амалий чораларни кўриш, Ўзбекистон Республикаси Президенти Ш. Мирзиёевнинг маърузаларида белгиланган вазифалардан келиб чиқиб, партия фаолиятини янада самарали ташкил этиш ва ёшлар манфаатларини илгари сурувчи ташаббусларни амалга ошириш, ёшларнинг ҳуқуқий саводхонлигини ошириш, уларни ҳуқуқий-маданий ислоҳотларга кенг жалб қилиш ва ёшлар орасида ватанпарварлик ғояларини шакллантириш.
04 Лойиҳанинг асосий форматлари
- Ёшлар таклифлари асосида қонун лойиҳаларини ишлаб чиқиш ва муҳокама қилиш
- Парламент ва маҳаллий кенгашларда ёшлар муаммолари бўйича мулоқот майдонлари ташкил этиш
- Сиёсий ва ҳуқуқий саводхонликни ошириш учун семинар, тренинг ва мастер-класслар
05 Кутилаётган натижалар
Лойиҳа натижасида ёшларнинг ҳуқуқий ва сиёсий саводхонлиги ошади, улар парламент ва маҳаллий кенгашларда фаол иштирок эта олади. Ёшлар муаммоларини ҳал қилишда ташаббускор бўлиб, партия ва давлат сиёсатини такомиллаштиришга ҳисса қўшади. Шу билан бирга, истиқболли ёш лидерлар ва етакчи кадрлар заҳираси шаклланади, демократик қадриятлар ва фуқаролик масъулиятини тарғиб қилиш кучаяди.
Фото ва видео
