“Маҳалланинг ишбилармон аёли” — хотин-қизлар имкониятларини кенгайтирмоқда

“Халқ билан бирга” умуммиллий дастури доирасида Қорақалпоғистоннинг чекка ҳудудларидан бири — “Қорақалпоғистон” посёлкасида “Маҳалланинг ишбилармон аёли” танловининг маҳалла босқичи бўлиб ўтди.  

Йигирма нафарга яқин тадбиркор иштирок этган танловда Сулыўхан Берданова ва Жулдызай Избасарова танловнинг кейинги босқичига йўлланма олишди.

Таъкидлаш керак, С.Берданова раҳбарлик қилаётган “Suliw Yasinur” корхонаси 2022 йилда ташкил этилган бўлиб, бугунги кунда бир нечта йўналишда иш юритмоқда. Корхонада 25 нафардан ортиқ хотин-қиз доимий иш билан таъминланган. Ж. Избасарова эса қандолатчилик соҳасида 27 турдаги маҳсулот ишлаб чиқариб, 5 нафар аёлни доимий иш билан таъминлаган.

Танлов иштирокчилари O'zLiDePнинг ушбу ташаббуси орқали тадбиркорлик билан шуғулланаётган хотин-қизларнинг жамиятдаги ўрнини мустаҳкамлашга хизмат қилаётганини эътироф этишмоқда.