22 нафар чинозлик йигит-қиз O’zLiDeP сафига қўшилди
O‘zLiDeP Тошкент вилояти Кенгаши томонидан Чиноз тумани ёшлари билан ўтказилган очиқ мулоқотда Президентимиз томонидан Ёшлар куни муносабати билан илгари сурилган ташаббусларнинг мазмун-моҳияти ҳақида сўз юритилди. Учрашувда ёшларнинг таклиф ва муаммолари тингланиб, уларни қўллаб-қувватлаш ҳамда фаоллигини ошириш масалалари муҳокама қилинди.
Тадбирда O‘zLiDePнинг дастурий мақсадлари ва “Халқ билан бирга” умуммиллий дастури доирасида амалга оширилаётган ишлар ҳақида батафсил маълумот берилди. Ёшлар билан очиқ мулоқот уларнинг ташаббусларини қўллаб-қувватлаш ва жамият ҳаётидаги иштирокини кенгайтиришга хизмат қилди.
Учрашув якунида 22 нафар йигит-қиз O‘zLiDeP сафига қўшилиш истагини билдириб, партия аъзолигига қабул қилинди. Бу ёшларнинг мамлакатимизда кечаётган ислоҳотларда фаол иштирок этишга ва сиёсий жараёнларга дахлдорлик ҳиссини мустаҳкамлашга бўлган қизиқиши ортиб бораётганининг яна бир амалий ифодаси бўлди.
