Чеварликдан муваффақият сари
“Маҳалланинг ишбилармон аёли” лойиҳасининг Марҳамат туман босқичи бўлиб ўтди. Тадбир “Марҳамат барака чеварлари” корхонасида ташкил этилиб, унда аёллар тадбиркорлиги ва ишлаб чиқариш фаолияти билан яқиндан танишилди.
Бугунги кунда корхонада трикотаж маҳсулотлари ишлаб чиқарилиб, 70 нафар хотин-қиз доимий иш билан таъминланган. Тайёрланаётган маҳсулотлар “Uz cotton” бренди остида ички ва ташқи бозорларга етказиб берилмоқда.
Мазкур лойиҳа маҳаллада аёллар бандлигини ошириш, уларнинг даромад манбаини кенгайтириш ва тадбиркорликка қизиқишини кучайтиришга хизмат қилмоқда. Корхона фаолияти бу борада яхши намуна сифатида эътироф этилмоқда.
