Энг чекка ҳудуд аҳолиси учун бепул тиббий кўрик ташкил қилинди
“Саломатлик сари” лойиҳаси доирасида Дўстлик туманидаги Саритепа маҳалласида бепул тиббий кўрик ташкил этилди.
Тадбирда 80 нафардан ортиқ кам таъминланган ва ижтимоий ҳимояга муҳтож хотин-қизлар малакали шифокорлар кўригидан ўтди. Улар кардиолог, терапевт, онколог, гинеколог, окулист, невропатолог ва стоматолог қабулларида бўлишди.
Тиббий текширувлар давомида саломатлигида муаммо аниқланган фуқароларга зарур тавсиялар ва мутахассислар маслаҳатлари берилди.
Шунингдек, акция иштирокчиларига соғлом турмуш тарзи, тўғри овқатланиш ва жисмоний фаолликнинг аҳамияти ҳақида тушунчалар берилди.
