Ғаллаоролда хотин-қизлар учун бепул тиббий кўрик ташкил этилди
O‘zLiDePнинг “Халқ билан бирга” умуммиллий дастури доирасидаги “Саломатлик сари” лойиҳаси асосида Ғаллаорол туманининг Хонимқўрғон маҳалласида бепул тиббий кўрик ўтказилди.
Тадбир давомида ижтимоий ҳимояга муҳтож оилаларда яшовчи 30 нафар хотин-қиз малакали шифокорлар кўригидан ўтказилди. Уларга саломатлиги бўйича зарур тавсия ва маслаҳатлар берилди.
Шунингдек, иштирокчиларга соғлом турмуш тарзи, тўғри овқатланиш ва жисмоний фаолликнинг аҳамияти ҳақида тушунтиришлар берилди. Бу каби акциялар аҳоли саломатлигини мустаҳкамлаш ва тиббий хизматларни янада яқинлаштиришга хизмат қилмоқда.
