Машҳура Аҳмедова “Ишбилармон аёл – 2026” кўрик-танловининг вилоят босқичида қатнашади
Ғиждувон туманида “Ишбилармон аёл–2026” кўрик-танловининг туман босқичи бўлиб ўтди. Танловда маҳаллалар босқичида ғолиб бўлган 8 нафар фаол ва ташаббускор хотин-қиз ўз билим, тажриба ва тадбиркорлик салоҳиятини намоён этишди.
Якуний баҳолаш натижаларига кўра, дизайнер Машҳура Аҳмедова 1-ўринни қўлга киритиб, танловнинг вилоят босқичига йўлланмани қўлга киритди. Шунингдек, Мафтуна Усмонова ва Дилайра Қудратова ҳам муносиб иштирок этиб, совриндорлар сафидан ўрин олди.
Тадбир якунида ғолиб ва совриндорлар диплом, ташаккурнома ҳамда эсдалик совғалари билан тақдирланди. Шунингдек, “OzLiDeP тарғиботчиси” лойиҳаси доирасида бир гуруҳ фаол иштирокчилар партия сафига қабул қилинди. Бу эса жамият ҳаётида фаол, ташаббускор ва ишбилармон хотин-қизлар сафини янада кенгайтириш йўлидаги муҳим қадам бўлди.
