O'zLiDeP фаоли урганчлик ёшларнинг бандлигини таъминлашда кўмаклашади
O‘zLiDeP Урганч туман Кенгаши ташаббуси билан "Халқ билан бирга" умуммиллий дастури доирасида “Янги Ўзбекистон – рақобатбардош маҳсулотлар юрти” мавзусида мулоқот ташкил этилди.
Тадбир иштирокчилари “Асл парранда” МЧЖ фаолияти билан яқиндан танишиб, корхонада амалга оширилаётган ишлар ҳақида маълумот олдилар.
Таъкидланганидек, корхона 2003 йилда 8 нафар ишчи билан фаолият бошлаган бўлса, бугунги кунда 50 нафардан ортиқ ёшларни доимий иш билан таъминлаб келмоқда. Иштирокчилар паррандачилик, балиқчилик, лимон етиштириш ва ишлаб чиқариш йўналишларидаги ишлар билан танишиб, тадбиркорликни ривожлантириш ва янги иш ўринлари яратиш бўйича фикр алмашдилар.
Тадбир давомида ёшлар учун амалий семинарлар ташкил этиш, замонавий технологияларни кенг жорий қилиш ва янги инвестиция лойиҳаларини амалга ошириш бўйича таклифлар билдирилди.
