Пастдарғомда муаммолар жойида ҳал этилди
O‘zLiDePнинг “Халқ билан бирга” умуммиллий дастури доирасида Гўзалкент қўрғонида ўтказилган сайёр қабул чинакам натижалар майдонига айланди. Унда 300 га яқин фуқаро иштирок этиб, ўз муаммоларига ечим излади. Натижалар эса кўп куттирмади: 70 дан ортиқ мурожаатнинг 20 таси шу жойнинг ўзида ҳал этилди.
Қабулда йўл таъмири, электр ва газ таъминоти каби кундалик масалалар билан бирга, инсон тақдирига оид муҳим қарорлар ҳам қабул қилинди. Масалан, кимдир суюлтирилган газ билан таъминланди, яна кимгадир саломатлигини тиклаш учун имтиёзли ордер берилди. Бундай амалий ишлар одамларнинг эртанги кунга бўлган ишончини янада мустаҳкамламоқда.
Шунингдек, маҳалла аёлларининг тадбиркорлик ташаббуслари ҳам қўллаб-қувватланди. 8 нафар хотин-қизни иш билан банд қилган Бўстон Исроилова каби ишбилармон аёллар фаолияти ўрганилиб, рағбатлантирилди. Партиямиз аҳоли муаммоларини тинглаш ва уларга тезкор ечим топишда давом этади.
