Сардобадаги сайёр қабулда 57 та мурожаат жойида ҳал этилди
ЎзЛиДеПнинг “Халқ билан бирга” умуммиллий дастури доирасида Сардоба туманида ўтказилган сайёр қабул аҳоли учун очиқ мулоқот майдонига айланди.
Қабул давомида фуқаролардан 162 та мурожаат келиб тушиб, уларнинг 57 таси шу жойнинг ўзида ижобий ҳал этилди. Асосий мурожаатлар таълим, тиббиёт, кадастр, ичимлик суви ва ижтимоий ёрдам масалаларига оид бўлди.
Бундай қабулларнинг аҳамияти ҳам шунда — одамлар ўз муаммосини бевосита масъулларга етказади, айрим масалалар эса жойида ҳал бўлади. Энг муҳими, қолган мурожаатлар ҳам назоратга олиниб, уларнинг ечими бўйича аниқ вазифалар белгиланмоқда.
