Тошкент туманидаги сайёр қабулда 22 та мурожаат жойида ечим топди
ЎзЛиДеПнинг “Халқ билан бирга” умуммиллий дастури доирасида Тошкент туманида навбатдаги сайёр қабул ташкил этилди.
Қабулда 123 дан ортиқ фуқаро қатнашиб, 31 дан зиёд мурожаат кўриб чиқилди. Шундан 22 та мурожаат жойида ҳал этилди, қолганлари эса ижроси назоратга олинди.
Фуқаролар асосан таълим, тадбиркорлик, газ, йўл ҳаракати хавфсизлиги ва коммунал хизматлар билан боғлиқ масалаларни кўтардилар. Барча мурожаатлар бўйича масъулларга тегишли топшириқлар берилди.
Шунингдек, депутатлар эҳтиёжманд оилалар ҳолидан хабар олиб, уларга озиқ-овқат, дори-дармон ва турли меҳнат қуроллари кўринишида амалий ёрдам кўрсатдилар.
