Урганчдаги маҳорат дарси орқали 5 нафар аёл ишли бўлди

"Халқ билан бирга" дастури доирасида Урганч шаҳрида хотин-қизлар учун маҳорат дарси ташкил этилди. 30 нафардан ортиқ аёл-қиз "Bahmal group" корхонасида ип-калава маҳсулотларини тайёрлаш жараёнини ўрганиб, янги касбий кўникмаларга эга бўлди.

Энг муҳими, маҳорат дарси якунида 5 нафар хотин-қиз доимий иш билан таъминланди. Бу каби ташаббуслар хотин-қизларни касбга ўргатиш билан бирга, уларнинг ўз даромадига эга бўлиши учун ҳам имконият яратмоқда.