Янгибозорда сайёр қабул: мурожаатлар назоратга олинди
O‘zLiDePнинг “Халқ билан бирга” умуммиллий дастури доирасида Хоразм вилоятининг Янгибозор туманида сайёр қабул ўтказилди.
Қабулда 117 нафар фуқаро иштирок этиб, 39 дан ортиқ мурожаат кўриб чиқилди. Улар асосан бандлик, тадбиркорлик, ижтимоий ҳимоя, коммунал хизматлар, йўл таъмири ва ҳуқуқий масалаларга оид бўлди.
Шундан 20 та мурожаат бўйича жойида ҳуқуқий тушунтиришлар берилди, қолган масалалар эса тегишли ташкилотлар билан ҳамкорликда ҳал этиш учун назоратга олинди.
Бундай сайёр қабуллар аҳоли муаммоларини ўз вақтида эшитиш, уларга амалий ечим топиш ва халқ билан очиқ мулоқотни мустаҳкамлашга хизмат қилмоқда.
