Ёшларга бизнес сирлари ўргатилди
Наманганда битирувчи ёшлар учун “Баркамол авлод” кичик саноат зонасига амалий экскурсия ташкил этилди. Тадбир O'zLiDePнинг “Халқ билан бирга” дастури доирасида ўтказилиб, ёшларни тадбиркорликка қизиқтиришга қаратилди.
Экскурсия давомида талабалар ишлаб чиқариш корхоналари фаолияти, маҳсулот тайёрлаш жараёнлари ва замонавий технологиялар билан яқиндан танишдилар. Шунингдек, тадбиркорлар билан очиқ мулоқот ўтказилиб, бизнес бошлаш ва давлат томонидан яратилаётган имкониятлар ҳақида тушунчалар берилди.
Бундай амалий тадбирлар ёшларнинг касб танлаши, тадбиркорликка қадам қўйиши ва ўз ғояларини амалга оширишида муҳим аҳамият касб этмоқда.
