Зангиота туманидаги 60 дан ортиқ мурожаат ҳал қилинди
O‘zLiDePнинг “Халқ билан бирга” умуммиллий дастури доирасида Зангиота туманида сайёр қабул ташкил этилди. Олий Мажлис Қонунчилик палатаси депутати Атҳам Назирқулов, маҳаллий Кенгаш депутатлари ҳамда мутасадди ташкилотлар раҳбарлари иштирок этди.
Қабулда 130 дан ортиқ фуқаро иштирок этиб, электр таъминоти, йўл, сув, ижтимоий қўллаб-қувватлаш ва бошқа масалалар юзасидан мурожаат қилди. Жами 60 дан ортиқ масала кўтарилиб, уларнинг аксарияти жойида ҳал этилди.
Айрим мурожаатлар бўйича масъул ташкилотларга тегишли топшириқлар берилиб, ижроси депутатлик назоратига олинди.
