G’ozg‘onda milliy kashtachilik madaniyatini yuksaltirishga oid mahorat darsi tashkil etildi
27.04.2022, 13:47
Xalqimizning milliy qadriyatlaridan biri bo‘lgan kashtachilik san’atini avloddan avlodga meros sifatida saqlab qolish, ushbu o‘ziga xos milliy madaniy merosimizning jahondagi qiymatini yanada yuksaltirish, shuningdek, qizlarimizda milliylikka havasni shakllantirish har birimiz uchun mas’uliyatli vazifadir.
O’zLiDeP G’ozg‘on shahar Kengashi tashabbusi bilan “G’ozg‘on chevar qizlari" MChJda "Tumar" MFYda yashovchi ayollar daftariga kiritilgan xotin-qizlar o‘rtasida ayollarni milliy qadriyatlarga qaytarish va shu bilan bir qatorda daromadli kasb-hunarga yo‘naltirish bo‘yicha mahorat darsi tashkil qilindi.
Mahorat darsida hunarmandchilik, ayniqsa, kasanachilik va milliy kashtachilik madaniyatini yuksaltirish bilan birga xotin-qizlarning mehnat sharoitlarini yaxshilash g‘oyalarini singdirish ko‘zda tutilgan. Chevar kashtachi tomonidan ip va ranglar bilan ishlash, matolarga e’tibor qaratish va kashta gullarining milliylik aks etgan yangidan yangi dizaynlariga e’tibor qaratish sir-sinoatlari o‘rgatildi.
Shuningdek, mahorat darsi ishtirokchilariga milliy kashtachilik orqali daromad olish istagida bo‘lgan ayollar uchun davlat tomonidan imtiyozli kreditlar ajratilishi, mas’ul tashkilotlar ishtirokida subsidiyalar ajratib berilishi yoki tikuvchilik qilish istagida bo‘lgan xotin-qizlarga har xil turdagi tikish va bichish texnikalari ajratilishdagi imtiyozlar haqida aytib o‘tildi.
M.Pirnafasova,
O’zLiDeP Navoiy viloyati kengashi
jamoatchilik bilan aloqalar va
mafkuraviy ishlar bo‘limi mudiri
O'xshash yangiliklar
-
Madaniyat — xalqimiz, jamiyatimiz qiyofasi
18.05.2024, 16:04
-
Eng faollari saralanyapti
18.05.2024, 15:16
-
100 nafar xotin-qizni ishli qilgan tadbirkor ayol tanlovning mahalla bosqichi g‘olibi bo‘ldi
18.05.2024, 15:03
-
Shahrisabz tumanidagi 21 ta mahallasining ishbilarmon ayollari o‘zaro bellashdilar
18.05.2024, 14:24
-
Choponlikda tengi yo‘q xotin-qizlar baxslashdilar
18.05.2024, 13:57
Fikringizni qoldiring