Tabiatni asrash - hayotni asrash
07.05.2022, 15:00
O’zLiDeP Surxondaryo viloyati Kengashi viloyat ekologiya va atrof-muhitni muhofaza qilish boshqarmasi bilan hamkorlikda “Tabiatni asrash - hayotni asrash” mavzusida ochiq muloqot bo‘lib o‘tdi.
Unda atrof-muhitni muhofaza qilishda boshqarmaning vazifalari, shuningdek, chiqindilarning fuqarolar hayoti va sog‘lig‘iga, atrof-muhitga zararli ta’sirining oldini olishda «Toza hudud» unitar korxonasi tomonidan qanday ishlar amalga oshirilayotgani haqida ma’lumot berildi. Tadbirda partiya deputatlari, talaba-yoshlar hamda ommaviy axborot vositalari xodimlari ishtirok etdi.
Ko‘pincha bahor va yoz fasllarida tabiat qo‘ynida dam oluvchilar yanayam ko‘payadi. Bu yaxshiyu, biroq ko‘p hollarda fuqarolarning atrof-muhitga turli chiqindilarni tashlab, ifloslantirishiga duch kelinmoqda. Ushbu holatlarga nisbatan ma’muriy, kerak bo‘lsa, jinoiy javobgarlik choralari ham qo‘llanilayapti. Biroq ahvol bungacha bormasligi, odamlarda tabiatni asrab-avaylash, kelgusi avlodga yetkazishdek mas’uliyatni shakllantirishimiz kerakligi ta’kidlandi.
Bu borada davlat rahbarining 2021 yil 30 dekabrdagi PQ-76-sonli qaroriga asosan Ekologiya va atrof muhitni muhofaza qilish davlat qo‘mitasining yangi vazifalari belgilandi. Bundan tashqari, “Yangi O’zbekistonning 2022–2026 yillarga mo‘ljallangan taraqqiyot strategiyasi va uni 2022 yil – Inson qadrini ulug‘lash va faol mahalla yilida amalga oshirishga oid davlat dasturi”ning VI yo‘nalishdagi 79-80 maqsadlarida ham bir qancha vazifalar berilgan. Ochiq muloqotda mazkur vazifalarning ijrosini ta’minlashda tegishli idoralar tomonidan amalga oshirilayotgan chora-tadbirlari va deputatlarimiz tomonidan jamoatchilik nazoratini kuchaytirish masalalariga ham to‘xtalib o‘tildi.
O’zLiDeP Surxondaryo viloyati Kengashi
matbuot xizmati
O'xshash yangiliklar
-
Qitʼa ayollarini birlashtirgan anjuman
14.05.2024, 19:40
-
Mingdan ortiq shogird tarbiyalagan ishbilarmon Madina Kasimbayeva tanlov g‘olibi bo‘ldi
14.05.2024, 14:07
-
O’zbekistonda xotin-qizlarning huquq va imkoniyatlari kengaymoqda
14.05.2024, 13:57
-
Очередная встреча делегации УзЛиДеП в Китае
10.05.2024, 16:45
-
Делегация УзЛиДеП вылетела в Китай
08.05.2024, 19:31
Fikringizni qoldiring