Bosh qomusimizning pishiq-puxta, yanada xalqchil, tom ma’noda xalqimiz xohish-irodasining ifodasi – haqiqiy xalq Konstitutsiyasi bo‘lishiga xizmat qiladi
29.07.2022, 16:28
Bugun Konstitutsiyaviy islohotlar jarayoni qizg‘in pallaga kirdi. O'zLiDeP Angren shahar Kengashi tashabbuskorligida “Birinchi rezinotexnika zavodi” MChJ xodimlari bilan o‘tkazilgan ochiq muhokama ham ayni shunday tadbirlardan biri bo‘ldi.
O’zaro ochiq muloqot ruhida o‘tgan tadbirda Xalq deputatlari viloyat Kengashi deputatlari Otabek Anorov, Li Vadim Gennadevich, partiya shahar Kengashi apparat rahbari Muqaddam Narbayeva, “Birinchi rezinotexnika zavodi” MChJ Bosh direktori G’ulomjon Ibragimov va korxona xodimlari ishtirok etishdi.
Tadbirda bugun yurtimizda kechayotgan konstitutsiyaviy islohotlarning mazmun-mohiyati borasida atroflicha tushuntirishlar berildi. Mustaqillik ne’matining qadriga yetish, mamlakatdagi tinchlik va osoyishtalikni asrash, mustaqillikni mustahkamlash yo‘lida hamjihatlik bilan ish olib borish xususida ham to‘xtalindi.
Ochiq muloqot tadbirida ishtirok etgan deputatlar hozirgi kunda O’zbekiston ijtimoiy davlat va adolatli jamiyat qurish sari dadil odimlab borayotgani haqida so‘zlasharkan, Konstitutsiyaga kiritilayotgan o‘zgartish va qo‘shimchalar ham buning yorqin dalili ekaniga e’tibor qaratishdi. Xususan, Konstitutsiyaning 53-moddasiga kiritilayotgan o‘zgarish davlatning iqtisodiy jarayonlardagi ishtirokini oqilona chegaralar doirasida kamaytirishni, iqtisodiyot tarmoqlarini hududiy va sohaviy kesimda boshqarishda aniq, shaffof va natijaga yo‘naltirilgan mexanizmlardan foydalanishni hamda fiskal dastaklar orqali ijtimoiy muammolarni hal qilish maqsadida moliyaviy resurlarni qayta taqsimlashni nazarda tutishini atroflicha tushuntirishdi.
Ayni mana shu yondashuv asosida iqtisodiyot tarmoqlarining rivojlantirish yo‘nalishlari belgilanayotganiga urg‘u berishdi. Bularning barchasi insonning iqtisodiy farovonligini ta’minlashni ko‘zlayotganini alohida qayd etishdi.
Muhokamada korxona ishchi-xodimlarining ham fikr-mulohazalari tinglanib, Konstitutsiyaviy Qonun loyihasiga kiritilayotgan o‘zgartish va qo‘shimchalar yuzasidan takliflari olindi.
Ochiq muloqotda ta’kidlanganidek, mazkur o‘zgartish va qo‘shimchalar yuzasidan aholidan olinayotgan har bir taklif Bosh qomusimizning pishiq-puxta, yanada xalqchil, tom ma’noda xalqimiz xohish-irodasining ifodasi – haqiqiy xalq Konstitutsiyasi bo‘lishiga xizmat qiladi.
Zuxro Mirzohamdamova,
O’zLiDeP Toshkent viloyat Kengashi bo‘lim mudiri
O'xshash yangiliklar
-
Eng faollari saralanyapti
18.05.2024, 15:16
-
100 nafar xotin-qizni ishli qilgan tadbirkor ayol tanlovning mahalla bosqichi g‘olibi bo‘ldi
18.05.2024, 15:03
-
Shahrisabz tumanidagi 21 ta mahallasining ishbilarmon ayollari o‘zaro bellashdilar
18.05.2024, 14:24
-
Choponlikda tengi yo‘q xotin-qizlar baxslashdilar
18.05.2024, 13:57
-
Ipakchilik sohasida bozor mexanizmlari joriy etilishi pillachilik istiqboli uchun xizmat qiladi
18.05.2024, 13:24
Fikringizni qoldiring