Deputat aholi murojaatlariga yechim topdi
22.03.2024, 12:33
Ma’lumki, aholi muammolarini tinglash va ularning ijobiy yechimini ta’minlash, shuningdek har bir insonda davlatimiz tomonidan yaratib berilayotgan imkoniyatlardan, sharoitlardan to‘g‘ri foydalangan holda shukronalik tuyg‘usini shakllantirish – joylardagi mahalliy Kengash deputatlarining ham muhim vazifalaridan biri bo‘lib hisoblanadi.
Tumanimizning 20-“Do‘rmon” saylov okrugidan mahalliy Kengash deputatligiga saylanganligim bois, ushbu hudud aholisi bilan o‘tkazib kelinayotgan uchrashuvlar chog‘ida saylovchilar tomonidan ilgari surilayotgan muammoli masalalarga alohida e’tibor qaratib kelmoqdaman. Aksariyat xalq vakillarida bo‘lganidek, aholi g‘am-tashvishlari, orzu-umidlari bilan yashash, ularni qiynayotgan turmushdagi muammolarga yechim izlash zimmamga katta mas’uliyat yuklaydi.
O’tgan 2023 yilning noyabr oyida o‘tkazilgan yuzma-yuz uchrashuvda tumandagi Sultonobod MFYning Yuqori Hasanxo‘ja qishlog‘ida yashovchi aholi menga murojaat qilib, qishloqdagi asosiy ko‘chalardan birining yo‘llari o‘ta ta’mirtalab bo‘lib qolganligi uchun qish-qirovli va yog‘ingarchilik kunlarida piyodalar va transport vositalari harakatida qiyinchilik tug‘dirayotganligini ma’lum qilgan edi. Simyog‘ochlarga o‘rnatilgan tungi yoritish chiroqlaridagi nosozliklar tufayli qishloq xonadonlarini elektr energiyasi bilan ta’minlashda uzilishlar ro‘y berayotgani ham ushbu murojaatda qayd etilgan edi.
Mavjud muammolar o‘z joyida borib o‘rganildi. Tegishli mutasaddi tashkilotlar hamda sektor rahbariga deputatlik so‘rovi yuborildi.
Deputatlik faoliyatim doirasidagi say’-harakatlar samarasi o‘laroq oradan ko‘p o‘tmay qishloq aholisini qiynab kelayotgan mavjud muammolarni qisqa muddatlarda bartaraf etishga muvaffaq bo‘lindi.
Simyog‘ochlar yangisiga yalmashtirilib, qumli yo‘llarga shag‘al to‘kildi, yo‘llar tekislandi. Amalga oshirilgan obodonchilik ishlari ham aholini mamnun etyapti.
Aziz Nosirov,
Shofirkon tumani tibbiyot birlashmasi
ko‘p tarmoqli poliklinika mudiri,
xalq deputatlari tuman Kengashi deputati
O'xshash yangiliklar
-
Deputat mahalladadagi yettilik faoliyatini o‘rgandi
27.04.2024, 16:34
-
Shofirkonlik mohir tikuvchi “Ishbilarmon ayol-2024” ko‘rik-tanlovining tuman bosqichiga yo‘llanma oldi
27.04.2024, 16:32
-
Nishonda kartoshkachilik rivojlanmoqda
27.04.2024, 16:29
-
Nishonda kartoshkachilik rivojlanmoqda
27.04.2024, 16:04
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
Fikringizni qoldiring