Ishonchli vakil sardobalik saylovchilar bilan dildan suhbatlashdi
14.10.2021, 20:08
"Inson qadri uchun" shiori ostida aholi o‘rtasida O’zbekiston Respublikasi Prezidentligiga O’zLiDePdan ko‘rsatilgan nomzod Shavkat Mirziyoyevning ishonchli vakili Pokiza Axmedjanova Sardoba tumanidagi musiqa va san’at maktabida saylovoldi dasturi targ‘ibotini o‘tkazdi.
Uchrashuvda ishonchli vakil nomzodning saylovoldi dasturidan keng o‘rin olgan kelgusi besh yillikdagi aholi hayotini yaxshilash bo‘yicha aniq rejalar, yangi g‘oyalar, tashabbuslar, loyihalar haqida fikrlarini bildirdi.
-Ayniqsa, nomzodning Sirdaryo viloyatiga tashrifi chog‘ida viloyat uchun alohida dasturlar belgilaganligi haqidagi xabarlar barchani quvontirdi. Sababi, 2000 dan ortiq loyihalar viloyatning iqtisodiy, ijtimoiy quvvatini oshirish uchun tayyorlanib, unga 5 millon dollar miqdorida mablag‘ ajratilishi ham fikrimizning isbotidir, - dedi Pokiza Axmedjanova.
Tadbirda ishtirok etganlar nomidan so‘zga chiqqan mehnat fahriysi Otabek Egamberdiyevning dil so‘zlari ko‘pchilikning fikrini anglatdi, desak mubolag‘a emas.
-Bu insonning kuch-quvvati va g‘ayratiga tan bermay iloj yo‘q. Eslamasak ham, har kuni tongdagi shukrona bilan yodimizga tushadigan Sardoba voqeasida hamma tahlikada qolgani rost. Bitta qushning uyi buzilsa qancha ko‘ngling buziladi. Endi butun bir qishloqlar, ovullar suv ichida qoldiku?! Ko‘z yoshlarimiz oldida oqqan suvlar arzimas edi. Ana shunday kunda Shavkat Mirziyoyev har birimizning yelkamizni silab, dalda berdi. Bitta g‘ishtning tashvishini qilmasdan, hamma sharoitlari muhayyo yangi uylarga ko‘chib kirdik. Men hamma sardobaliklar nomidan Shavkat Mirziyoyevga ovoz beramiz, deb baralla aytaolaman.
Tadbirda O’zLiDeP Sirdaryo viloyat kengashi apparat rahbari Shohista Bozorboyeva, sardobalik partiya faollari, deputatlar ishtirok etdi va so‘zga chiqishdi.
O’zLiDeP Sirdaryo viloyati Kengashi
matbuot xizmati
O'xshash yangiliklar
-
Istiqbolli rejalar - oliy maqsadlar ro‘yobiga xizmat qiladi
22.10.2021, 19:03
-
Fransiyalik xalqaro kuzatuvchilar bilan uchrashuv
22.10.2021, 18:59
-
Shavkat Mirziyoyev jizzaxlik saylovchilar bilan uchrashdi
21.10.2021, 16:14
-
O’zLiDeP tomonidan ommaviy axborot vositalari uchun brifing tashkil qilindi
20.10.2021, 17:03
-
Toshkentlik saylovchilar bilan ochiq muloqot bo‘ldi
19.10.2021, 16:44
Fikringizni qoldiring