Deputat saylovchilar bilan uchrashuvi davomida aholi tomorqalarini ham ko‘zdan kechirdi
28.03.2022, 16:27
Oliy Majlis Qonunchilik palatasi deputatlarining hududlarda aholi bilan ochiq muloqotlar o‘tkazib, fuqarolarni o‘ylantirayotgan muammolarni o‘rganayotgani haqida xabar bergan edik.
Parlament quyi palatasi deputati To‘lqinjon Karimovning Marhamat tumani tibbiyot bo‘limida bo‘lib o‘tgan uchrashuvi samimiy, foydali va bahs-munozaralar tarzida o‘tdi.
Deputat tibbiyot sohasi vakillari, mahalla faollari, faxriylar kengashi a’zolari, mahalliy kengash deputatlari bilan uchrashuvda joriy yilning 18 mart kuni Prezidentimizning mamlakatimiz tibbiyot xodimlari bilan bo‘lib o‘tgan ochiq muloqoti xususida fikr yuritdi. Ochiq muloqotda tibbiyot tizimidagi ayrim masalalarni hal etish bo‘yicha aniq taklif va tashabbuslar ilgari surilganini alohida ta’kidladi.
Uchrashuvda fuqarolar tomonidan ko‘tarilgan masalalarning aksariyat qismi joyida hal etilgan bo‘lsa, yechimi uzoq vaqt talab etadigan muammolar nazoratga olindi.
Xalq vakili partiya faollari, hokim yordamchilari bilan aholi tomrqalarini ko‘zdan kechirdi. Tumandagi “Durafshon” mahallasidagi Gavharoy Astanova va Mohidil Nuriddinovalar xonadonida bo‘ldilar.
Ishchi guruhning navbatdagi manzili 4 nafar ishchi o‘rniga ega Moxidilxon Nuriddinova xonadoni bo‘ldi. 5 sotixli yer maydonida hokim yordamchisi ko‘magi bilan bank krediti evaziga issiqxona tashkil etib, limon va ko‘katlar yetishtirmoqda.
O’rganishlar asnosida xalq vakili bu yerda yetishtirilayotgan limon, pomidor va bodring mahsulotlari yetishtirish tajribasini tumandagi boshqa mahallalarda ham joriy qilish bo‘yicha o‘z tavsiyalarini berdi.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring