Konstitutsiyaviy qonun loyihasidagi o‘zgarishlar Termiz shahri fuqarolariga ham tushuntirilmoqda
21.07.2022, 11:06
Surxondaryoda “O’zbekiston Respublikasi Konstitutsiyasiga o‘zgartish va qo‘shimchalar kiritish to‘g‘risida”gi qonun loyihasi muhokamasiga bag‘ishlangan tadbirlar qizg‘in davom etmoqda.
Galdagi muhokama Termiz shahar 26-umumiy o‘rta ta’lim maktabida “Kattabog‘”, "Shifokor", "Tuproqqo‘rg‘on", "Nurli kelajak", "Tinchlik", "Kokildor ota", "A.Navoiy", "Namuna", "Chegara", "Manguzar", "Pattakesar" mahallalari faollari ishtirokida bo‘lib o‘tdi.
Tadbirda Oliy Majlis Qonunchilik palatasi spikeri o‘rinbosari, O‘zLiDeP Siyosiy Kengashi Ijroiya qo‘mitasi raisi Aktam Xaitov, partiyaning Surxondaryo viloyati Kengashi raisi Alisher Ro‘ziyevlar tomonidan Konstitutsiyaga kiritilayotgan o‘zgarishlarning tub mohiyatida yotadigan inson qadri, uning barcha huquq va erkinliklarini ta’minlash, uning sha’ni, qadr-qimmati va qonuniy manfaatlarini himoya qilish, kam ta’minlangan oilalarni ijtimoiy himoya qilish hamda ta’lim sohasida olib borilayotgan islohotlarning Konstitutsiyada aks ettirilayotgani yuzasidan ma’lumot va tushunchalar berildi.
Savol-javoblar asosida bo‘lib o‘tgan muloqotda mahalla faollari Konstitutsiyaviy qonun loyihasi yuzasidan fikr-mulohazalarini hamda qo‘llab quvvatlashlarini bildirishdi.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring