Asakada 111 gektar maydonda tashkil etilayotgan zamonaviy issiqxona faoliyati bilan tanishildi
11.11.2022, 16:33
Oliy Majlis Qonunchilik palatasi spiker o‘rinbosari, O’zLiDeP fraksiyasi rahbari, O’zbekiston fermer, dehqon xo‘jaliklari va tomorqa yer egalari kengashi raisi Aktam Xaitov Andijon viloyatida bo‘lib, bir qator tadbirkorlik sub’ektlari, dehqon xo‘jaliklari, klasterlar va aholi tomorqalarini ko‘zdan kechirdi.
Partiya yetakchisi o‘rganishlari davomida Asaka tumani adirlik hududida «Sabo hamkor» MChJ tomonidan 111 gektar maydonda tashkil etilayotgan «Net House» usulidagi zamonaviy issiqxona faoliyati bilan tanishdi. Issiqxonada 10 turdan ortiq eksportbop mahsulotlar yetishtirilmoqda.
Bugungi kunda 15 gektar maydonda issiqxonalar qurilish ishlari yakunlanib, hududning ichki yo‘llari asfaltlash ishlari olib borilmoqda. Issiqxonalarda galubika, malina, qulupnay, pomidor, bodring, baqlajon, karam, bulg‘or qalampir kabi mahsulotlar ekilgan bo‘lib, hosilni yig‘ishtirib olish ishlari boshlab yuborilgan.
Loyihaning umumiy qiymati 40 million AQSh dollarni tashkil etadi. Ushbu loyiha doirasida birgina Asaka tumanning o‘zida 600 nafar fuqaro doimiy, 2 ming nafardan ziyodi esa mavsumiy, daromadli ish bilan ta’minlanadi.
Bu esa aholi bandligini ta’minlash hamda bozor rastalarini arzon va sarxil mevalarga to‘ldirish, eksportbop mahsulotlar hajmini oshirish, eng muhimi, unumdorligi past bo‘lgan maydonlardan yaxshigina daromad olish borasidagi imkoniyatlarni oshiradi.
Partiya rahbari Aktam Xaitov tadbirkor faoliyati bilan tanishar ekan, issiqxonada yetishtirilayotgan mahsulotlarni bozorini topish, eksportini yo‘lga qo‘yish borasida yaqindan ko‘makchi bo‘la olishligi, yana ko‘plab qishloq aholisini bandligini ta’minlash borasida o‘z takliflarini berib o‘tdi.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring