Xalqaro kuzatuvchilar O’zLiDePga tashrif buyurdi
04.07.2023, 22:31
Ma’lumki, xalqaro kuzatuvchilarning ishtiroki saylov jarayonida shaffoflik va odillikni ta’minlashda muhim ahamiyatga ega. Shu kunlarda Mustaqil davlatlar hamdo‘stligining uzoq muddatli missiyasi xalqaro kuzatuvchilari mamlakatimizda o‘z faoliyatini davom ettirmoqda. 2023 yilning 4 iyul kuni ular O’zLiDeP Siyosiy kengashi ijroiya qo‘mitasida bo‘ldilar.
MDH kuzatuvchilari missiyasi Shtabi rahbari Kozyak Ye.V. boshchiligidagi mehmonlarni O’zLiDeP Siyosiy kengashi ijroiya qo‘mitasining raisi o‘rinbosari B.S. Yakubov va O’zLiDeP Siyosiy kengashi ijroiya qo‘mitasining boshqa mas’ul xodimlari kutib oldilar.
Kuzatuvchilar partiyaning hozirgi faoliyati hamda O’zbekiston Respublikasi Prezidenti saylovini o‘tkazish borasida amalga oshirayotgan ishlari bilan tanishdilar. Saylovoldi kampaniya amaldagi qonunchilikka qat’iy muvofiq tarzda amalga oshirilayotgani qayd etildi. Kuzatuvchilarga O’zLiDeP dan prezidentlikka nomzod va uning ishonchli vakillarining viloyatlarda saylovchilar bilan o‘tkazayotgan uchrashuvlari haqida ma’lumot berildi. Partiyaning targ‘ibot faoliyatini olib borishda teng huquqlilikni ta’minlashga alohida e’tibor qaratildi.
O’z navbatida, Ye.V. Kozyak O’zbekistondagi saylovlarni monitoring qilishning maqsad va vazifalari, mexanizmlari haqida so‘zlab berdi.
Uchrashuv doirasida kuzatuvchilar o‘zlarini qiziqtirgan savollarga batafsil ma’lumot oldilar.
Uchrashuv konstruktiv muloqot tarzida o‘tdi.
O’zLiDeP matbuot xizmati
O'xshash yangiliklar
-
Madaniyat — xalqimiz, jamiyatimiz qiyofasi
18.05.2024, 16:04
-
Eng faollari saralanyapti
18.05.2024, 15:16
-
100 nafar xotin-qizni ishli qilgan tadbirkor ayol tanlovning mahalla bosqichi g‘olibi bo‘ldi
18.05.2024, 15:03
-
Shahrisabz tumanidagi 21 ta mahallasining ishbilarmon ayollari o‘zaro bellashdilar
18.05.2024, 14:24
-
Choponlikda tengi yo‘q xotin-qizlar baxslashdilar
18.05.2024, 13:57
Fikringizni qoldiring