Paxtakorda ta’lim muassasalari qishga tayyormi?
31.10.2023, 11:38
O’zLiDeP Jizzax viloyat Kengashi tomonidan tuzilgan deputatlar va partiya faollaridan iborat ishchi guruhlari joylarda fuqarolar huquqlari va qonuniy manfaatlariga daxldor va boshqa dolzarb masalalar yuzasidan jamoatchilik nazoratini olib bormoqdalar.
Ishchi guruh a’zolari tomonidan iqtisodiyot tarmoqlari, ijtimoiy soha ob’ektlari va ko‘p qavatli uy-joy fondini kuz-qish mavsumida barqaror ishlashini ta’minlash borasida amalga oshirilayotgan ishlar va bu boradagi mavjud muammolarni bartaraf etishga ham alohida e’tibor qaratilmoqda.
Xalq deputatlari Paxtakor tuman Kengashida 9 nafar O’zLiDeP deputatlik guruhi a’zolari faoliyat olib boradi. Ayni kunlarda maslakdosh deputatlarimiz partiya faollari va hamkor tashkilotlar vakillaridan iborat ishchi guruhlarga bosh bo‘lgan holda, tumandagi maktab va maktabgacha ta’lim muassasalarining kuz-qish mavsumiga tayyorgarligini o‘rganib chiqdilar. Tumanda 20 ta umumta’lim maktabi va 90 ga yaqin davlat va davlat xususiy sheriklik shaklidagi nodavlat va oilaviy nodavlat bog‘chalar faoliyat olib bormoqda.
Mazkur muassasalarning kuz-qish mavsumiga tayyorgarligini o‘rganish jarayonida isitish tizimlari, tabiiy va suyultirilgan gaz, ko‘mir bilan ta’minlanish darajasi, texnik xavfsizlik holatiga amal qilinishi holatlariga alohida e’tibor qaratilmoqda.
Aniqlangan har bir muammo katta kichikligidan qat’iy nazar deputatlik nazoratiga olinib, aksariyati shu joyning o‘zida bartaraf etilmoqda.
O’rganishlar jarayonida soha xodimlari bilan muloqotlar tashkil qilinmoqda. Ularning fikr-mulohazalari va takliflari umumlashtirilmoqda.
Muhabbat O’ralova,
O’zLiDeP Paxtakor tuman Kengashi apparat rahbari
O'xshash yangiliklar
-
Deputat Oqdaryo bilan Pastdarg‘om tumanini bog‘lab turuvchi yangi ko‘prik qurilishida tashabbus ko‘rsatdi
28.04.2024, 12:38
-
Deputat mahalladadagi yettilik faoliyatini o‘rgandi
27.04.2024, 16:34
-
Shofirkonlik mohir tikuvchi “Ishbilarmon ayol-2024” ko‘rik-tanlovining tuman bosqichiga yo‘llanma oldi
27.04.2024, 16:32
-
Nishonda kartoshkachilik rivojlanmoqda
27.04.2024, 16:29
-
Nishonda kartoshkachilik rivojlanmoqda
27.04.2024, 16:04
Fikringizni qoldiring