Kam ta’minlangan oila xotin-qizlari uchun bepul tibbiy ko‘rik tashkil etildi
06.03.2024, 09:11
O’zLiDeP Jizzax viloyati hududiy partiya tashkiloti “Ayollar qanoti” guruhi tashabbusi bilan “Sog‘lom oila-mustahkam oila!” loyihasi doirasida Jizzax shahridagi “Madad shifo servis” xususiy klinikasida bepul tibbiy ko‘rik tashkil etildi.
Taniqli shifokor Mavluda Po‘latova rahbarlik qilayotgan va 2006 yildan buyon aholiga sifatli tibbiyot xizmatlarini ko‘rsatib kelayotgan mazkur klinikada 14 nafar malakali shifokorlar xizmat qiladi. Mazkur klinika bilan O’zLiDeP Jizzax viloyati hududiy partiya tashkiloti “Ayollar qanoti” guruhi o‘rtasida doimiy aloqalar yo‘lga qo‘yilgan.
Klinikada xotin-qizlarni tibbiy ko‘rikdan o‘tkazish uchun barcha shart-sharoitlar mavjud. Nevrologiya, Kordiologiya, terapiya, ginekologiya, LOR, stomotologiya, kosmetologiya va boshqa tibbiyot laborotoriyalari shifo istab kelgan bemorlar xizmatida.
Chuqurlashtirilgan bepul tibbiy ko‘rik davomida ushbu hududdagi X.Olimjon, Mulkanlik, Oq oltin, Toshloq, Shodlik, Ittifoq, Qang‘li MFY larida istiqomat qiluvchi kam ta’minlangan, ehtiyojmand, yosh bolali 20 nafarga yaqin uy bekalaridan iborat xotin-qizlar qamrab olindi.
Tibbiy ko‘rik davomida zamonaviy uskunalar tekshiruvi va shifokorlari qabulida bo‘lgan xotin-qizlar malakali mutaxassislar ko‘rigidan o‘tib, kerakli tavsiyalar oldilar.
Loyiha doirasida bunday bepul tibbiy ko‘riklar viloyatning barcha tuman, shaharlarida tashkil etilmoqda.
Saida Umaraliyeva,
O’zLiDeP Jizzax viloyati hududiy partiya tashkiloti
“Ayollar qanoti” guruhi rahbari
O'xshash yangiliklar
-
Deputat mahalladadagi yettilik faoliyatini o‘rgandi
27.04.2024, 16:34
-
Shofirkonlik mohir tikuvchi “Ishbilarmon ayol-2024” ko‘rik-tanlovining tuman bosqichiga yo‘llanma oldi
27.04.2024, 16:32
-
Nishonda kartoshkachilik rivojlanmoqda
27.04.2024, 16:29
-
Nishonda kartoshkachilik rivojlanmoqda
27.04.2024, 16:04
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
Fikringizni qoldiring