Partiya Faxriylar Kengashi aʼzolari aholi xonadonlarida bo‘ldi
09.04.2024, 20:30
Davlat rahbarining Sirdaryo viloyatining og‘ir tumani hisoblangan Sayxunobodga tashrifi davomida aholi daromadlarini oshirish bo‘yicha belgilangan vazifalar respublika bo‘ylab ommalashyapti.
Bu boradagi ishlar Samarqand viloyati tumanlarida ham tizimli ishlar tashkil qilinyapti. Har bir mahallada aholini tomorqalardan unumli foydalanishlari uchun yetarlicha shart-sharoit yaratib berilyapti, qo‘shimcha daromad keltiruvchi ishlar bilan shug‘ullanishga jalb qilinyapti.
“Nuroniy” jamg‘armasi Respublika boshqaruvi raisi, senator, O‘zLiDeP Faxriylar Kengashi raisi Sodiqjon Turdiyev va O‘zLiDeP Siyosiy Kengashi aʼzosi, O‘zbekiston mahallalari uyushmasi Samarqand viloyati boshqarmasi boshlig‘i Sherali Yuldashev, faol keksa nuroniylar Samarqand tumanidagi “Dehnav” hamda “Qumzor” mahallalarida bo‘lib, aholi tomorqalari bilan yaqindan tanishdi.
57 yoshli Mehroj Qodirov va “Qumzor” mahallasi keksalar maslahati guruhi raisi Abdurayim bobo Turaqulovlarning o‘z tomorqasidan issiqxona ochib, ayni paytda har xil ko‘katlardan tortib qulipnay, pomidor yetishtirib kelmoqdalar. Partiya faxriylari xonadon egalari bilan suhbatlashib ularga samimiy minnatdorchiligini izhor etdi. Ushbu mahalla binosi oldiga manzarali daraxt ko‘chatlari ekildi.
– Samarqand viloyatida ham ko‘klam oldi ko‘cha-ko‘ylar, mahallalarni obod qilishga, yon-atrofni ozoda, pokiza, tartibli, saranjom holda saqlashga alohida eʼtibor qaratilib, keng ko‘lamdagi obodonlashtirish va ko‘kalamzorlashtirish ishlari amalga oshirilmoqda, – deydi O‘zLiDeP Siyosiy Kengashi aʼzosi Sherali Yuldashev.
Shundan so‘ng partiya faxriylari kam taʼminlangan oilalar, yakka-yolg‘iz, betob, mehrga muxtoj xonadonlarga borishdi, ularni shart- sharoitlari bilan yaqindan tanishdi va muammolarini o‘rganishib amaliy yordam ko‘rsatildi.
O‘zLiDeP Samarqand viloyat Kengashi
Matbuot xizmati
O'xshash yangiliklar
-
Deputat Oqdaryo bilan Pastdarg‘om tumanini bog‘lab turuvchi yangi ko‘prik qurilishida tashabbus ko‘rsatdi
28.04.2024, 12:38
-
Deputat mahalladadagi yettilik faoliyatini o‘rgandi
27.04.2024, 16:34
-
Shofirkonlik mohir tikuvchi “Ishbilarmon ayol-2024” ko‘rik-tanlovining tuman bosqichiga yo‘llanma oldi
27.04.2024, 16:32
-
Nishonda kartoshkachilik rivojlanmoqda
27.04.2024, 16:29
-
Nishonda kartoshkachilik rivojlanmoqda
27.04.2024, 16:04
Fikringizni qoldiring