Shavkat Mirziyoyev Qashqadaryo viloyatini ijtimoiy-iqtisodiy rivojlantirishga qaratilgan loyihalar bilan tanishdi
29.01.2018, 19:20
Qashqadaryo viloyatida 2018-2019 yillarda turizm infratuzilmasi ob’ektlarini barpo etish rejasiga ko‘ra 167 ta loyiha amalga oshiriladi. Ularda tarixiy-madaniy obidalarni ta’mirlash, tarmoqni axborot texnologiyalari bilan ta’minlash ko‘zda tutilgan.
Davlatimiz rahbari sayyohlar uchun mehmonxonalar, dam olish va ko‘ngilochar hududlar tashkil etish, turistlarga milliy madaniyatimizni keng namoyish qilish zarurligini ta’kidladi.
Prezidentimizning «Tadbirkorlik foaliyati uchun soliq yukini kamaytirish, soliq to‘lovchilarni to‘liq qamrab olish hamda mahalliy budjetlar daromadlari bazasini mustahkamlash chora-tadbirlar to‘g‘risida»gi qarori loyihasida ko‘zda tutilgan takliflar, Qashqadaryo viloyati bo‘yicha asosiy iqtisodiy ko‘rsatkichlar va soliq to‘lovchilar soni, yirik korxonalar tomonidan budjetga to‘lanadigan to‘lovlar, joriy yilgi prognoz ko‘rsatkichlar haqidagi ma’lumotlar keyingi taqdimotda namoyish etildi.
Shavkat Mirziyoyev aholining dunyoqarashini o‘zgartirish, soliq bazasini kengaytirish evaziga budjetga tushumlarni ko‘paytirish bo‘yicha ko‘rsatmalar berdi.
Qashqadaryo viloyatida ichimlik suv ta’minotini yaxshilash, Toshguzar-Shahrisabz-Kitob temir yo‘lini modernizatsiya qilish va elektrlashtirish ishlari to‘g‘risida ma’lumot berildi.
Prezidentimiz joriy yil 1 avgustgacha «Afrosiyob» poyezdi qatnovini Shahrisabzgacha yo‘lga qo‘yish bo‘yicha ko‘rsatma berdi.
Shahrisabz shahar va tumanida mehnat bozorini barqarorlashtirish, ishsizlarni kasbga o‘qitish masalalariga ham alohida e’tibor qaratildi.
Shavkat Mirziyoyev barcha loyihalar yuzasidan mutasaddilarga topshiriqlar berdi.
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
O‘zbekiston Respublikasi Prezidenti Shavkat Mirziyoyevning Korrupsiyaga qarshi kurashish sohasida yuksak xalqaro mukofotni topshirish marosimidagi nutqi
20.12.2023, 15:39
-
O‘zbekiston Prezidenti iqlim sohasidagi global kun tartibi doirasida qator muhim tashabbuslarni ilgari surdi
04.12.2023, 10:21
-
Markaziy Osiyo iqtisodiyoti – global ahamiyatga molik o‘zaro bog‘liqlik markazi
27.11.2023, 09:22
-
O‘zbekiston Prezidenti Turkiy davlatlar tashkiloti sammitida muhim tashabbuslarni ilgari surdi
06.11.2023, 10:30
-
O‘zbekiston – Fransiya: qat’iy ishonch va azaliy do‘stlikka asoslangan munosabatlar strategik sheriklik darajasida davom etadi
03.11.2023, 15:45
Fikringizni qoldiring