Ziyorat turizmi yanada rivojlanadi
01.05.2018, 19:19
O‘zbek va turk xalqlarining tili, dini, tarixi va madaniyati bir-biriga juda yaqin. Biz Turkiyaning mashhur Istanbul, Anqara kabi shaharlariga qanchalik borishni havas qilsak, ular ham Buxoro, Samarqand, Xiva kabi tarixiy shaharlarimizni o‘z ko‘zlari bilan ko‘rishni juda-juda istashadi, albatta.
Negaki, Turkiya musulmonlari uchun O‘zbekiston tuproqlari alohida ahamiyatga ega. Bu yurtda yetishgan va abadiy qo‘nim topgan buyuk allomalarni ziyorat qilish ular uchun alohida ahamiyatga ega. Shu jihatdan Turkiya Respublikasi Prezidenti Rejep Tayyip Erdo‘g‘onning Prezidentimiz Shavkat Mirziyoyevning taklifiga binoan O‘zbekistonga qilgan tashrifi bu borada yangi sahifani ochib berdi.
Bilamiz bu borada Turkiya juda katta tajriba to‘plagan jahonning yetakchi mamlakatlari safiga kiradi. Biz o‘zaro hamkorlik aloqalarini yo‘lga qo‘yish asnosida mazkur mamlakatning turizm sohasidagi tajribasini o‘rganishimiz kerak bo‘ladi.
O‘z navbatida, O‘zLiDePdan saylangan mahalliy kengash deputatlari va hamda partiya faollari ham ushbu jarayonlardan chetda turmasdan sayyohlik infratuzilmasini yanada rivojlantirish, transport va mehmonxona xizmatlari va sayyohlik logistikasi bilan bog‘liq xizmatlarning qulayligini oshirish, shuningdek, turistik faoliyat bilan shug‘ullanadigan tadbirkorlik sub’ektlariga zarur shart-sharoitlar yaratishga alohida e’tibor qaratishi talab etiladi. O‘zbekiston va Turkiya Prezidentlari o‘rtasida kechgan muzokaralar va ular asosida qabul qilingan hujjatlarda nazarda tutilgan vazifalarni hayotga samarali tatbiq etish iqtisodiyotimizni yanada rivojlantirish, mamlakatimizning boy tarixi, madaniyati, me’moriy yodgorliklari hamda noyob an’analarini butun jahonga tanitishga hamda O‘zbekiston dunyo davlatlari sayyohlari uchun eng sevimli turistik yo‘nalishlardan biriga aylanishiga munosib hissa qo‘shishimiz lozim.
Sherzod MAHMUDOV,
Buxoro viloyati “Karvon” madaniy merosni
o‘rganish va turizmni rivojlantirish markazi rahbari,
xalq deputatlari Buxoro shahar Kengashi deputati
O‘zLiDePning Facebook va Instagram’dagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Жиззах вилояти Автомобил йўллари бошқармаси БПТ раиси Исроилова Рисолат2018-05-08 17:12:01
Бизнинг мамлакат жаннатмакон жойдир. Бу юртга келишни орзу қиладиганлар жуда кўплаб топилади. Шунинг учун Президентимиз айтганларидек туризмни янада ривожлантиришимиз керак деб ўйлайман
Турдибоева Мафтуна Ғаллаорол туман Кенгаши ЎзЛиДеП аъзоси 2018-05-08 17:04:22
Туристик Жойларни ривожлантириш ҳар бир ташкилот рахбарларнинг асосий бурчи хисобланиш керак.
Санжар Каримов2018-05-08 13:55:36
Айни вақтда Туркияда ўзбек ёшлари делегацияси ташрифи давом этмоқда. ушбу ташрифдан юқори натижалар кутиб қоламиз.
А.Бабажанова-Конликул тумани аппарат рахбари2018-05-08 09:49:15
Президентимиз томанидан қушни давлатлар билан дўстлик алоҳаларни йўлга қуйилгани мамлакатимизда туризмни ривожлантириш бўйича янги гояларни илгари сурмоқда. Бизнинг туманимизда ҳам УзЛиДеП депутатлари ҳамда фаоллари ташаббуси билан янги меҳмонхона барпо этилмоқда. Ушбу меҳмонхона композициясига қорақалпоқ «қора уй»лари, арава билан янгиша безак берилганлиги билан ҳайратлантиради. «Буюк ипак йўли»дан ўтган карвонларни эслатувчи туянинг мехмонхона қошида боқилиши эса композицияни янада жонлантиради. Жаннатмакон юртимизда тарихий обидалар, зиёратгохлар жуда куп. Кушни давлатлар билан ҳамкорликлар Ватанимизни иқтисодий ривожланишига, боболаримизнинг қолдирган бой меросларини жахонга танитишга ҳисса қушади.
Қашқадарё вилояти Кенгаши аппарат раҳбари - А.Шеров2018-05-07 19:33:32
Туризмни самарали ривожлантириш иқтисодиётнинг муҳим бир босқичга кўтариб, мамлакатимиз салоҳиятини юксалтиради.
Абдубанноб Маҳкамов2018-05-07 12:44:09
Марғилон асл ҳунармандлар шаҳри. Аждодларимиздан мерос тўқимачилик услублари ҳудди шу заминда асл ҳолича сақланиб қолган. Шаҳарнинг бой тарихи, маданияти, меъморий ёдгорликлари ҳамда ноёб анъаналарини бутун жаҳонга танитишда давом этмоқдалар. Миллийлик ва замонавийликнинг ўзаро мутаносиб уйғунлиги асосида ажабтовур гўзаллик яратилаяпди.
Р.Анқаев O'zLiDeP Зарбдор туман Кенгаши депутатлик гурухи рахбари2018-05-04 18:13:18
Ўзбекистон Туркия давлатларининг икки томонлама ҳамкорлик муносабатлари икки давлат учун бирдек кенг имкониятлар эшигини очиб берди. Бизга маълумки Туркия туризм соҳасида жаҳонда етакчи ўринларда туради. Ўзбекистон ҳамда Туркия ўртасида имзоланган хужжатлар икки давлатнинг туризм тажрибасини алмашишига ишонаман.
бобоев Рўзимурод Арнасой тумани Ободонлаштириш БПТ раиси2018-05-04 17:57:16
Призидентимиз туризм сохасида жуда катта олам шумул янгиликлар ва қарорлар қабул қилди,Шу боис юртимизга кундан кунга туристлар,зиёратчилар сони ортиб бормоқда.
Арслонбек Усманов Жиззах вилояти 2018-05-04 15:30:53
Туризмни ривожлантириш бугунги кундаги энг фойдали сохалардан бири хисобланади. Туристларнинг Ўзбекистонга келиши маблағ олиб келишидан ташқари бизнинг буюк тарихимиздан хам хабардор бўлади, бизнинг ота боболаримиз нималарга қодир бўлганлигини гувохи бўлади. Бу сохани ривожлантириш учун юртимизда кўплаб ишлар олиб борилмоқда.
Қудратжон Хожиматов Риштон туман Кенгаши аппарат раҳбари, туман депутати2018-05-04 13:35:15
ЎзЛиДеПдан сайланган Риштон туман кенгаш депутатлари Ўзбекистон ва Туркия Президентлари ўртасида кечган музокаралар ва улар асосида қабул қилинган ҳужжатларни ҳаётга самарали татбиқ этиш ва юртимизни бутун жаҳонга танитишга ҳамда дунё давлатлари сайёҳлари учун Ўзбекистоннни энг севимли туристик йўналишлардан бирига айланишига муносиб ҳисса қўшамиз.