O'zLiDeP deputati yoshlarning innovatsion g‘oya va loyihalari bilan tanishdi
“Xalq bilan birga” umummilliy dasturi doirasida Buxoro davlat texnika universitetida “Inklyuziv jamiyat sari” loyihasi doirasida talabalar bilan uchrashuv o‘tkazildi. Uchrashuvda Oliy Majlis Qonunchilik palatasidagi O'zLiDeP fraksiyasi a’zosi Jasur Jumayev ishtirok etdi.
Muloqot davomida yoshlar o‘zlarini qiziqtirgan masalalar, muammo va takliflari bilan o‘rtoqlashib, ularning murojaatlari yuzasidan amaliy yechimlar bo‘yicha fikr almashildi.
Shuningdek, “Kelajak muhandislari” festivaliga tayyorgarlik ko‘rayotgan yoshlarning innovatsion g‘oya va loyihalari bilan tanishildi. Uchrashuv yoshlarni qo‘llab-quvvatlash, teng imkoniyatlarni kengaytirish hamda ularning zamonaviy bilim va ko‘nikmalarini rivojlantirishga xizmat qildi.
