Qarshi shahrida “Ishbilarmon ayol” ko‘rik-tanlovining respublika–hududiy bosqichi bo‘lib o‘tdi. Tanlovda tuman va shahar bosqichlarida g‘olib chiqqan tadbirkor, fermer va hunarmand xotin-qizlar qatnashdilar.

Birinchilikka dilafro‘z Muhammadiyeva sazovor bo‘ldi. U 30 yildan buyon tadbirkorlik bilan shug‘ullanib, 25 mingdan ziyod xotin-qizga o‘n beshdan ortiq kasb-hunar o‘rgatdi, 200 mingdan ortiq yoshlarni ish bilan ta’minlashga hissa qo‘shdi. Hozirda “Sunbula” o‘quv markazida yoshlar tikuvchilik, oshpazlik, payvandlash, kompyuter savodxonligi kabi yo‘nalishlarda ta’lim olishmoqda.

Ikkinchi o‘rin Shoira Lolayevaga, uchinchi o‘rin esa Chiroqchidan Saltanat Qo‘ldoshevaga nasib etdi.

Tanlovda qatnashgan ayollar o‘z tajribasi va loyihalari bilan o‘rtoqlashib, ish o‘rinlari yaratish, mahalliy ishlab chiqarishni rivojlantirish va innovatsiyalarni joriy etishdagi tashabbuslari bilan baholandilar.

Gʻolib va sovrindorlar diplom va esdalik sovg‘alari bilan taqdirlandilar.