Bugun kaftdek yeridan foyda olib, ro‘zg‘orini obod qilayotganlar ko‘p. Ularning tajribasini boshqalarga ham o‘rnak qilib ko‘rsatsa arziydi. Chunki mehnat ortidan kelgan daromad barakali bo‘lib, farovonligimizni ta’minlashga xizmat qiladi.

O‘zbekiston fermer, deqon xo‘jaliklari va tomorqa yer egalari Kengashi raisi, O‘zLiDeP rahbari Aktam Xaitov Angor tumaniga tashrifi chog‘ida tuman hokimi M.Qosimov hamrohligida “Bahor” mahallasida yashovchi usta dehqon Davron Choriyev xonadonida bo‘ldi.

Xondonda jami 17 sotix tomorqa yer maydoni mavjud bo‘lib, shundan 7 sotix qismida issiqxona tashkil qilingan va ushbu issiqxonada serdaromad innovasion usulda kabachki ekin turi ekilgan.

Usta dehqon Davron Choriyev bu ekin juda serdaromad ekin ekanligi, har gektaridan 3-35 tonna hosil olib, har bir kilogramini 10 ming so‘mdan sotib, shu yil mavsumda 30-35 mln. so‘m sof foyda kutayotganligi to‘g‘risida gapirib o‘tdi. Xonadon egasi tomorqaning qolgan 10 sotix qismida ekilgan gulkaram ekinining har gektaridan 30-35 tonnagacha hosil olishni rejalashtirgan.

Partiya yetakchisi “Bahor” mahallasida yashovchi usta dehqon Akmal Mamatmo‘minov xonadonida ham bo‘ldi. Xonadonda jami 30 sotix tomorqa yer maydoni mavjud. Uning 8 sotix qismida tashkil qilingan issiqxonada har xil turdagi sabzavot ekinlari va ko‘chatlar ekib yetishtirib kelinmoqda.

Tomorqaning qolgan qismida to‘qsonbosti usulida piyoz, osh lavlagi va har xil turdagi ekinlar ekilgan. Xonadon egasi shu yilning o‘zida tomorqasidan 60-70 mln. so‘m sof foyda olganligi va yana ekilgan ekinlardan 20-30 mln so‘m daromad kutayotganligi to‘g‘risida seminar qanashchilariga aytib o‘tdi.

Bundan tashqari xonadonda o‘quv tajriba maydonchasi ham tashkil qilingan bo‘lib, ushbu maydonchada minitraktor, motokultivator, muzlatgich va boshqa turdagi qishloq xo‘jaligi ekinlarini yetishtirish uchun zarur bo‘lgan har xil turdagi uskunalar va seminar qatnashchilarini o‘qitish xonasi ham mavjud.

Partiya rahbari tomorqa yer egasiga tomorqa madaniyatini rivojlantirishda qo‘shayotgan hissalari uchun minnatdorchilik bildirib, boshqa mahallalarda ham ushbu tajribani keng yoyish kerakligi to‘g‘risida aytib o‘tdi.