Oliy Majlis Qonunchilik palatasi deputati, O’zLiDeP fraksiyasi a’zosi Dilmurod Artikov tomonidan O‘zbekiston Respublikasi Transport vaziri Ilhom Rustamovga deputatlik so‘rovi yuborildi.

So‘rovda Namangan viloyati, Yangiqo‘rg‘on tumanidagi "Buloqboshi" MFY hududidan o‘tgan tuman markazi va Nanay turizm qishlog‘ini bog‘lovchi ikki ko‘prikning holatiga e’tibor qaratilgan. Ushbu ko‘priklar 1969 yilda qurilgan bo‘lib, bugungi kunda ta’mirtalab holatga kelib qolgani va transport harakati hamda aholi uchun qiyinchilik tug‘dirayotgani haqli e’tirozlarga sabab bo‘layotgani ta’kidlangan.