Qo‘qon tibbiyot texnikumida "Xalq bilan birga" umummilliy dasturi doirasida “Deputat va yoshlar uchrashuvi” tashkil etildi. Tadbirda 200 nafar talaba ishtirok etdi.

Uchrashuvda “Xalq bilan birga” dasturi doirasida yoshlarni zamonaviy kasblarga yo‘naltirish, innovasion fikrlashni qo‘llab-quvvatlash, ayniqsa sun’iy intellekt va startap tashabbuslarni rivojlantirish masalalari muhokama qilindi.

Tadbir davomida yoshlar uchun yaratilayotgan imkoniyatlar — sifatli ta’lim, bandlik va intellektual salohiyatni oshirish ustuvor yo‘nalishlar sifatida ta’kidlandi. Bu kabi uchrashuvlar yoshlarning faolligini oshirish va ularni yangi tashabbuslarga keng jalb etishga xizmat qiladi.