Yakshanba 06-Aprel 2025-yil
Biz ijtimoiy tarmoqlarda:
0
Virtual qabulxona
Xayriya qilish

O‘zLiDePda Osiyo siyosiy partiyalari xalqaro konferensiyasi (ICAPP) vakillari bilan uchrashuv bo‘lib o‘tdi

04.04.2025
84

Osiyo siyosiy partiyalari xalqaro konferensiyasi (ICAPP) 370 dan ortiq siyosiy partiyalarni birlashtirgan nufuzli xalqaro tashkilotdir. U Osiyodagi siyosiy partiyalar tomonidan dolzarb mintaqaviy va global muammolarni muhokama qilish uchun muhim platforma hisoblanadi. Shu bilan birga, ushbu Konferensiya Osiyo bilan cheklanibgina qolmay, Afrika, Yevropa va Lotin Amerikasidagi siyosiy partiyalar vakillarining ishtirok etishiga ham imkon beradi.

2025 yil 4 aprel kuni O'zLiDeP Siyosiy Kengashi Ijroiya qo‘mitasi raisi Aktam Xaitov va Osiyo siyosiy partiyalari xalqaro konferensiyasi (ICAPP)ning Doimiy qo‘mitasi raisi Chon Iy-yong o‘rtasida uchrashuv bo‘lib o‘tdi. Mazkur tadbirda Koreya Respublikasining O‘zbekistondagi elchisi Von Do Yon hamda partiya vakillari ishtirok etdi.

O'zLiDeP rahbari A.Xaitov Prezidentimiz Shavkat Mirziyoyev rahnamoligida iqtisodiyotni yuksaltirish, aholini ijtimoiy muhofaza qilishni kuchaytirish, mamlakatimizning xalqaro nufuzini oshirish va boshqa sohalarda keng ko‘lamli islohotlar amalga oshirilganini ta’kidladi. Har bir inson, oila va jamiyat farovonligini ta’minlash partiyamizning asosiy maqsadlaridan biri ekanligi ta’kidlandi. Koreya tomoni O‘zLiDePning tashqi siyosatga oid pozisiyasi bilan tanishdi.

O‘z navbatida, Chon Iy-yong O‘zLiDeP va ICAPP o‘rtasidagi hamkorlikning joriy holatini yuqori baholadi. U ICAPP ning Osiyo partiyalari o‘rtasida almashinuv va hamkorlikning samarali platformasi sifatidagi istiqbollari va istiqboldagi rejalari haqida ma’lumot berdi.

Tomonlar partiyalararo, parlament va xalq diplomatiyasi imkoniyatlaridan faol foydalangan holda ICAPP doirasida o‘zaro hamkorlikni yanada kengaytirish muhimligi haqida kelishib oldilar.

Uchrashuv samimiy va do‘stona ruhda o‘tdi.

Saytni yangi dizayni yoqdimi?