O‘zLiDePning “Xalq bilan birga” umummilliy dasturi doirasida “Salomatlik sari” loyihasi asosida Xiva shahrida bepul tibbiy ko‘riklar aksiyasi tashkil etildi.

Aksiya davomida “Qiyot”, “Binokor” va “Gulirayhon” mahallalarida yashovchi 47 nafar xotin-qiz malakali shifokorlar ko‘rigidan o‘tdi. Ular uchun UZI, mammografiya, qon tahlillari hamda onkolog va ginekolog ko‘riklari o‘tkazildi.

Tibbiy ko‘riklar natijasida 8 nafar fuqaroga stasionar davolanish uchun yo‘llanma berildi, 16 nafar ishtirokchiga esa ambulator davolanish bo‘yicha tavsiyalar taqdim etildi.

Mazkur aksiya xotin-qizlar salomatligini muhofaza qilish, kasalliklarni erta aniqlash va aholining tibbiy madaniyatini yuksaltirishga xizmat qildi.