Qahramonlarning hayoti yoshlarga ibrat...
07.04.2022, 14:30
O’zbek xalqida azal-azaldan keksalarga hurmat-e’tiborda bo‘lish, ularni asrab-avaylab, maslahatlariga, nasihatlariga quloq tutish insoniylik xususiyatlaridan biridir. Andijon shahrida «Inson qadri ulug‘langan yurtning ertasi ham ulug‘dir!» shiori ostida tadbir tashkil etildi. Ulug‘ ayyom kunlarida yozilgan iftorlik dasturxoni atrofida «O’zbekiston Qahramon»lari, nuroniylar hamda ijtimoiy-iqtisodiy, ma’naviy jabhalarda yosh avlod vakillariga o‘rnak bo‘layotgan keksa avlod vakillari hamda yoshlar jam bo‘ldilar.
Tadbirda so‘z olganlar jasorat sohiblarining katta xizmatlari haqida so‘z yuritishdi. Shuningdek, keksalarga hurmat-ehtirom, mehr-oqibat ko‘rsatish ma’naviy hayotimizning tom ma’noda ajralmas qismiga aylanganligini aytib o‘tdi. Bu esa yoshlarning tarbiyasida muhim ahamiyat kasb etadi.
Shuningdek, kechada O’zLiDeP Siyosiy Kengashi Ijroiya qo‘mitasi qoshida tashkil qilingan Faxriylar Kengashi raisi Sodiqjon Turdiyev keksalarimiz yosh avlodni milliy va umuminsoniy qadriyatlar ruhida tarbiyalashda beqiyos ahamiyat kasb etishi xususida atroflicha so‘z yuritdilar.
Tadbir davomida nomlari qayd etilgan Qahramonlarning ibratli hayoti, vatanimiz ravnaqi, uning saodati, yurt kelajagi, shahar va qishloqlarimiz obodligi yo‘lida qo‘shgan munosib hissalarini o‘zida aks ettirgan videofilmlar namoyish etildi. Vatan, uning kelajagini madh etuvchi kuy va qo‘shiqlar davraga yanada fayz kiritdi. Tadbir ishtirokchilariga viloyat hokimligining esdalik sovg‘alari topshirildi.
O'xshash yangiliklar
-
Buxoro tumani mahallalarida “Ishbilarmon ayol-2024” ko‘rik-tanlovining saralash bosqichlari davom etmoqda
06.05.2024, 13:41
-
Uchinchi Toshkent xalqaro investitsiya forumi - mamlakatimiz rivojidagi yangi imkoniyatlar eshigidir!
04.05.2024, 20:11
-
Baliqchilik ishbilarmon ayollar saralanyapti
04.05.2024, 20:10
-
O‘zaro manfaatli va ishonchli hamkorlik yangi marralarga chorlaydi
04.05.2024, 20:04
-
Ohangarondagi ishbilarmon ayollar faoliyati qo‘llab-quvvatlandi
04.05.2024, 20:01
Fikringizni qoldiring