Ma’naviy-ma’rifiy masalalarning taraqqiyotdagi o‘rni talaba yoshlar ishtirokida muhokama qilindi
27.04.2022, 13:43
O‘zLiDeP ishchi guruhining Buxoro davlat universitetida o‘tkazilgan navbatdagi yig‘ilishida mahalliy Kengashi deputatlari, partiya faollari, ushbu oliy o‘quv yurti professor-o‘qituvchilari va talaba yoshlari ishtirok etdi. “Ma’naviy-ma’rifiy masalalarning taraqqiyotdagi o‘rni” mavzusida tashkil qilingan davra suhbatida ma’naviy taraqqiyotni ta’minlash, ushbu sohani tubdan isloh etish va yangi bosqichga olib chiqish sohasidagi ustuvor yo‘nalishlar muhokama qilindi.
Tadbir ishtirokchilariga Taraqqiyot strategiyasining ma’naviy rivojlanish masalalariga oid 5 - ustuvor yo‘nalishidan o‘rin olgan asosiy maqsad va vazifalar bo‘yicha batafsil ma’lumotlar berildi.
Ushbu strategiya asosida ma’naviyat sohasidagi hayotbaxsh islohotlarning mazmun-mohiyatini keng jamoatchilikka yetkazishni yanada samarali va tizimli tashkil etishga joylarda alohida e’tibor berilishi zarurligi tilga olib o‘tildi. “Yangi O’zbekistonning Ma’naviy taraqqiyot strategiyasi” ni hamda uni amalga oshirish bo‘yicha “Yo‘l xaritasi” ni ishlab chiqish va hayotga joriy etilishini ta’minlash kelgusidagi muhim vazifalardan biridir.
Yuksak ma’naviyat tamoyillariga asoslangan fuqarolarning sog‘lom dunyoqarashi va zamonaviy tafakkurini “Harakatlar strategiyasidan – taraqqiyot strategiyasi sari” g‘oyasi asosida shakllantirishni umummilliy harakatga aylantirish, “O’zbekiston Respublikasi ma’naviyat sohasidagi davlat siyosatining asoslari to‘g‘risida”gi qonunini ishlab chiqish ham dolzarb vazifalardan biridir.
Davra suhbatida davomida mamlakatimizda joriy yilning may oyida o‘tkaziladigan “Mahalla fuqarolar yig‘inlari raislari saylovi” masalasi ham tinglovchilar diqqat-e’tiborida bo‘ldi.
O'xshash yangiliklar
-
Ishchi guruh vakillari ta’lim sohasida amalga oshirilayotgan ishlarni o‘rganmoqda
20.12.2023, 15:53
-
Qashqadaryoda oilaviy tadbirkorlar faoliyati o‘rganilmoqda
13.12.2023, 16:59
-
Davlat dasturining 67-maqsadi Hazoraspda qanday bajarilyapti?
23.11.2023, 18:03
-
Ishchi guruh vakillari IT sohasida belgilab berilgan vazifalar ijrosini muhokama qildi
14.11.2023, 16:47
-
Yutuqlar bor, muammolar ham yo‘q emas
13.11.2023, 16:53
Fikringizni qoldiring