Konstitutsiyaga taklif etilayotgan yangi norma va qoidalar targ‘ibotiga bag‘ishlangan yig‘ilish o‘tkazildi
24.06.2022, 16:07
O‘zLiDeP Samarqand viloyat kengashi hamda xalq deputatlari viloyat kengashidagi partiya deputatlik guruhining qo‘shma majlisi bo‘lib o‘tdi. Unda Prezident Shavkat Mirziyoyevning O’zbekiston Respublikasi Konstitutsiyasiga o‘zgartirish kiritish va tashkiliy chora-tadbirlarni amalga oshirish yuzasidan Konstitutsiyaviy komissiya a’zolari bilan uchrashuvidagi nutqidan kelib chiquvchi O’zLiDePning dolzarb vazifalari atroflicha muhokama qilindi.
Prezidentimiz O’zbekiston Respublikasi Konstitutsiyasiga o‘zgartirish kiritish va tashkiliy chora-tadbirlarni amalga oshirish yuzasidan Konstitutsiyaviy komissiya a’zolari bilan joriy yilning 20 iyun kuni o‘tkazilgan uchrashuvi chog‘ida demokratik yangilanish jarayonlariga yangicha ruh va shiddat berish, islohotlarimizni yanada chuqurlashtirish zarurligini alohida ta’kidladilar. Mamlakatimizda kechayotgan konstitutsiyaviy islohotlar Vatanimiz taqdiri va kelajagi uchun g‘oyat muhim ahamiyatga ega bo‘lgan masala ekanligi, shuningdek, mamlakatimiz fuqarolaridan ushbu masalalar bo‘yicha 48 ming 492 ta taklif kelib tushganligi alohida qayd etildi.
Tadbirda O‘zLiDeP viloyat Kengashi, Faxriylar Kengashi hamda ishchi guruh a’zolari o‘z fikr mulohazalarini bildirib, tegishli komissiya tomonidan yurtdoshlarimizning barcha taklif va qo‘shimchalari umumlashtirilganligi, ularning eng dolzarblari yangidan qabul qilinadigan Konstitutsiyaga tegishli moddalar sifatida kiritilishi O’zbekiston ahli ushbu muhim siyosiy jarayonga befarq emasligini e’tirof etishdi
Konstitutsiya takomillashtirilishi bo‘yicha davlatimiz rahbari tomonidan bayon qilingan to‘rtta ustuvor yo‘nalish va ularning har biri bo‘yicha bildirgan takliflarni to‘liq qo‘llab-quvvatlashini ta’kidladilar.
Qo‘shma majlisda xalq deputatlari viloyat Kengashidagi O‘zLiDeP deputatlik guruhi a’zolari, partiya boshlang‘ich tashkilotlari, “Yoshlar qanoti”, “Ayollar qanoti” a’zolari ishtirokida Konstitutsiya takomillashtirilishi bo‘yicha Prezidentimiz bildirgan takliflar mazmun-mohiyati, ahamiyatini aholining keng qatlamlariga yetkazishga bag‘ishlangan chora tadbirlar belgilab olindi.
Jaxongir Xo‘jamkulov,
O‘zLiDeP Samarqand viloyat Kengashi
bo‘lim mudiri
O'xshash yangiliklar
-
Uchinchi Toshkent xalqaro investitsiya forumi - mamlakatimiz rivojidagi yangi imkoniyatlar eshigidir!
04.05.2024, 20:11
-
Baliqchilik ishbilarmon ayollar saralanyapti
04.05.2024, 20:10
-
O‘zaro manfaatli va ishonchli hamkorlik yangi marralarga chorlaydi
04.05.2024, 20:04
-
Ohangarondagi ishbilarmon ayollar faoliyati qo‘llab-quvvatlandi
04.05.2024, 20:01
-
Jondorlik deputatlar va mahalla faollari bilan muloqot qilindi
04.05.2024, 18:01
Fikringizni qoldiring