Tomorqa klasteri faoliyati bilan tanishildi
11.10.2022, 11:35
Oliy Majlis Qonunchilik palatasi Spikeri o‘rinbosari, O’zLiDeP fraksiyasi rahbari ,O’zbekiston fermer, dehqon xo‘jaliklari va tomorqa yer egalari Kengashi raisi Aktam Xaitov Xorazm viloyatidagi uchrashuvlari davomida Gurlan tumanidagi Birlashgan qishlog‘ida joylashgan “Maqsud-Manzura” tomoqa xizmati klasteri faoliyati bilan tanishdi.
Mazkur klaster ayni paytda aholini tadbirkorlikka jalb qilish, issiqxonalar qurib berish orqali tomorqachilikni rivojlantirishga katta e’tibor qaratib kelmoqda. 12 yo‘nalishda faoliyat ko‘rsatishga mo‘ljallangan ushbu klasterda bugungi kunda sutni qayta ishlash, parrandachilik, kimyoviy dori vositalari do‘koni, agromarkaz kabi yo‘nalishlarda aholiga sifatli xizmatlar ko‘rsatib kelinyapti.
Klaster rahbari Maxsud Bekmanov Xitoy texnologiyasi asosida qurilgan zamonaviy issiqxona ham tashkil etgan. Issiqxona asosan ko‘chatchilikka ixtisoslashgan bo‘lib, aholiga arzon narxda pomidor, bodring, baqlajon kabi poliz ekinlari ko‘chatlari, turli gul va daraxt ko‘chatlarining yangi navlarini yetishtirib beradi.
Spiker o‘rinbosari muloqotlar davomida Nukus mahallasini tomorqachilik yo‘nalishida namunali mahallaga aylantirish, aholining yer bilan tillashishini va tomorqachilik bilimlarini chuqur o‘zlashtirishlari uchun zarur shart-sharoitlar yaratish, mahallani sarimsoqpiyoz yetishtirishga ixtisoslashuvini ta’minlash va “Bir mahalla – bir mahsulot” tamoyilini joriy etish bo‘yicha tegishli ko‘rsatmalar va tavsiyalar berdi.
O'xshash yangiliklar
-
Jondorlik deputatlar va mahalla faollari bilan muloqot qilindi
04.05.2024, 18:01
-
Xalqaro investisiya forumi amaliy hamkorlikni sifat va mazmun jihatidan mutlaqo yangi, yanada yuksak bosqichga olib chiqadi
03.05.2024, 09:34
-
Dehqonobodlik deputatlar bilan muloqot qilindi
25.04.2024, 11:50
-
O‘zbekiston va Tojikiston o‘rtasidagi ittifoqchilik munosabatlari xalq manfaatlari yo‘lida
20.04.2024, 12:07
-
Aholiga qonunchilikdagi yangiliklar tushuntirildi
20.04.2024, 08:29
Fikringizni qoldiring