Yangi tahrirdagi Mehnat kodeksi mazmun-mohiyati keng targ‘ib etilmoqda
18.11.2022, 18:14
2022 yil 28 oktyabr kuni “O’zbekiston Respublikasining Mehnat kodeksini tasdiqlash to‘g‘risida”gi Qonun Prezident tomonidan imzolandi. Qabul qilingan hujjatdagi normalarning to‘g‘ridan-to‘g‘ri ishlashida, hayotda samarali tatbiq etilishida mehnat bozori ishtirokchilari, ishchi-xodimlar, ish beruvchilar, ish izlovchilar hamda vakolatli tashkilot va idoralar mas’ullariga hujjatdagi moddalarning mazmun-mohiyatini sodda, aniq va to‘g‘ri tushuntirish muhim ahamiyat kasb etadi.
Shu maqsadda Xalq deputatlari mahalliy kengash deputatlari Olimxon Babaxanov, G’iyosiddin Babaxanov va Qobiljon Dadabayevlar tashabbuslari bilan saylov okruglarida joylashgan 84-umumta’lim maktabi, 9, 14 va 15-Oilaviy polikliniklarda yangi tahrirdagi Mehnat kodeksining mazmun-mohiyati va ahamiyatiga bag‘ishlangan tadbirlar tashkil qilindi.
Tadbirda Mehnat kodeks loyihasini ishlab chiqish chog‘ida 10 dan ortiq xalqaro tashkilot, jumladan, Xalqaro mehnat tashkilotining qator konvensiyalari, 60 dan ziyod davlat tajribasi o‘rganilgani, Kodeks loyihasi Qonunchilik palatasida 1 yil davomida juda chuqur tahlil etilib, maromiga yetkazilgani qayd etildi.
Shuningdek, kodeksdagi mehnat munosabatlarini tartibga soluvchi yangi qoidalar, ish beruvchi homilador ayollarga birlamchi tibbiy-sanitariya yordami muassasalarida antenatal (tug‘ruqqacha) parvarishlash (perinatal skrining va tashxis, majburiy tibbiy ko‘riklar va boshqa majburiy tibbiy muolajalar) uchun o‘rtacha ish haqi saqlangan holda qo‘shimcha bo‘sh kunlar berishi shartligi, xodimlar, pensiya yoshiga yetganlar hamda tadbirkorlar uchun imtiyozlar va imkoniyatlar borasida to‘xtalib, aholi bandligini oshirishga doir boshqa ko‘plab yangi normalar haqida batafsil ma’lumot berib o‘tildi.
O'xshash yangiliklar
-
Buxoro tumani mahallalarida “Ishbilarmon ayol-2024” ko‘rik-tanlovining saralash bosqichlari davom etmoqda
06.05.2024, 13:41
-
Uchinchi Toshkent xalqaro investitsiya forumi - mamlakatimiz rivojidagi yangi imkoniyatlar eshigidir!
04.05.2024, 20:11
-
Baliqchilik ishbilarmon ayollar saralanyapti
04.05.2024, 20:10
-
O‘zaro manfaatli va ishonchli hamkorlik yangi marralarga chorlaydi
04.05.2024, 20:04
-
Ohangarondagi ishbilarmon ayollar faoliyati qo‘llab-quvvatlandi
04.05.2024, 20:01
Fikringizni qoldiring