Kam ta’minlangan oilalar farzandlariga yangi yil sovg‘alari ulashildi
28.12.2023, 18:03
O‘zLiDeP Koson tuman Kengashi va “Ayollar kanoti” guruhi tomonidan tumanda istiqomat qilayotgan “Ayollar daftari” va “Temir daftar”ga kiritilgan oilalarning farzandlari uchun Yangi yil bayrami tashkil etildi.
Guruh rahbari Bahriya Qobilova rahbarlik qilayotgan “Vatanparvar bolajon” xususiy maktabgacha ta’lim tashkilotida o‘tkazilgan tadbirda 40 dan ortiq bolajonlar taklif etildi. Ular uchun “Yangi yil tarannumi” deb nomlangan musiqali bayram tadbiri namoyish etildi. Qorbobo va Qorqiz ishtirok etgan bayramda qo‘shiqlar kuylandi, raqslar ijro etildi.Ayniqsa, Vatan, ona, ustozlar, Yangi yilga bag‘ishlangan she’r ijro etgan bolakaylar Qorbobodan chiroyli sovg‘alar qabul qilib olishdi.
- Bolalar umidimiz g‘unchalari, baxtimiz yulduzlaridir, - deydi O‘zLiDeP Koson tuman Kengashi raisining birinchi o‘rinbosari, apparat rahbari Ulug‘bek Boymurodov. – Ular quvongan kezlarda dunyo shodlikka to‘ladi. Hayotimiz quvonchlari bo‘lgan jajji o‘g‘il-qizlarni asrab-avaylash, har tomonlama barkamol insonlar bo‘lib ulg‘ayishlari uchun g‘amxo‘rlik qilish mustaqil davlatimiz, ota-onalarimizning muqaddas burchidir. Muhtaram Prezidentimiz o‘z ma’ruzalarida yosh avlod Yangi O’zbekistonimiz ustunlari ekanliklarini ko‘p bor takrorlaydilar. Bolajonlar bir ulashgan yangi yil liboslarida raqsga tushib, qo‘shiq kuyladilar.
Bayram chog‘ida bolajonlar bilan ochiq muloqot tashkil etib, ularning kelgusidagi orzulari bilan qiziqdik. Yangi yil sovg‘alari, qiziqarli kitoblar ulashdik. Tumanda Yangi yil bayramlari davom etmoqda.
O'xshash yangiliklar
-
Uchinchi Toshkent xalqaro investitsiya forumi - mamlakatimiz rivojidagi yangi imkoniyatlar eshigidir!
04.05.2024, 20:11
-
Baliqchilik ishbilarmon ayollar saralanyapti
04.05.2024, 20:10
-
O‘zaro manfaatli va ishonchli hamkorlik yangi marralarga chorlaydi
04.05.2024, 20:04
-
Ohangarondagi ishbilarmon ayollar faoliyati qo‘llab-quvvatlandi
04.05.2024, 20:01
-
Jondorlik deputatlar va mahalla faollari bilan muloqot qilindi
04.05.2024, 18:01
Fikringizni qoldiring