Kasbida aholi daromadlarini oshirish borasida qilinayotgan ishlar o‘rganildi
25.04.2024, 09:15
Oliy Majlis Qonunchilik palatasi deputati, O‘zLiDeP fraksiyasi aʼzosi Shahnoza Xolmaxamatova, partiyaning Qashqadaryo viloyati Kengashi deputatlari Kasbi tumanidagi mahallalarda bo‘lib, aholining tomorqalaridan samarali foydalayotganliklari borasidagi holatlar bilan yaqindan tanishdi va muloqotlar qildi.
“Xo‘jaqarliq” MFY hududidagi Malohat Eshmurodova, Hamza Abdiraxmonov va “Mustaqillik” mahallasidagi Abdig‘ani Boboqulovlarlar xonadonida bo‘lganida, tomorqa serdaromad manbaga aylanayotganligi, birgina sholg‘om hosilidan 6 sotix yer maydonidan yiliga 10-15 millionlab daromad olishayotganligini taʼkidlab o‘tishdi.
Xo‘jaqarliq va Mustaqillik mahallalarida faoliyat ko‘rsatayotgan mahalla yettiligi hamda faollari bilan uchrashib, qonunchilikdagi o‘zgarishlar va aholining qiziqtirayotgan masalalari hamda mahalla yettiligi tomonidan amalga oshirilishi dolzarb bo‘lgan vazifalar yuzasidan gaplashib olindi.
Kasbi tumani Yo‘llardan foydalanish unitar korxonasi ishchi-xodimlari bilan o‘tkazilgan muloqotda qonunchilikdagi yangiliklar va o‘zgarishlar, “Yashil energiya, “Yashil makon” tamoyillari xususida so‘z yuritilib, ularning takliflari yozib olindi.
Aholi bilan mahallalarda bo‘lib o‘tgan uchrashuvlarda tadbirkorlik uchun sharoitlar muhayyo ekanligi, munosib turmush kechirishini taʼminlash va darajasini yaxshilashda qonuchilikda qabul qilinayotgan hujjatlar muhim ahamiyat kasb etishi taʼkidlab o‘tildi.
O'xshash yangiliklar
-
Uchinchi Toshkent xalqaro investitsiya forumi - mamlakatimiz rivojidagi yangi imkoniyatlar eshigidir!
04.05.2024, 20:11
-
Baliqchilik ishbilarmon ayollar saralanyapti
04.05.2024, 20:10
-
O‘zaro manfaatli va ishonchli hamkorlik yangi marralarga chorlaydi
04.05.2024, 20:04
-
Ohangarondagi ishbilarmon ayollar faoliyati qo‘llab-quvvatlandi
04.05.2024, 20:01
-
Jondorlik deputatlar va mahalla faollari bilan muloqot qilindi
04.05.2024, 18:01
Fikringizni qoldiring