Shaxina Iskandarova, Gamburg universiteti 3-bosqich talabasi (Germaniya):
25.01.2018, 19:57
– Germaniyada, xususan, Gamburg universitetida Sharq xalqlari tili va madaniyatini o‘rganish borasida uzoq tarixga ega ilmiy maktab mavjud. Ayni paytda ushbu universitetda sharqshunoslik yo‘nalishida o‘qiyapman. Yaqin yillarda yurtimizga qaytib, soham bo‘yicha ilmiy izlanish olib bormoqchiman. Ajdodlarimizdan qolgan ma’naviy merosni o‘rganish, xorij tillariga tarjima qilish – asosiy maqsadim.
Germaniyada ham Imom al-Buxoriy, Muhammad al-Xorazmiy, Abu Rayhon Beruniy, Ibn Sino va Alisher Navoiy kabi allomalarimizni yaxshi bilishadi. Ularning dunyo tamadduniga qo‘shgan ulug‘ hissasini yuksak qadrlashadi.
Prezidentimiz parlamentga Murojaatnomasida ayni masalaga alohida to‘xtalib, “Ma’lumki, qadimiy madaniyat va sivilizatsiyalar chorrahasi bo‘lgan yurtimiz zaminidan o‘rta asrlarda minglab olimu ulamolar, buyuk mutafakkir va shoirlar, aziz-avliyolar yetishib chiqqan. Ularning aniq fanlar va diniy ilmlar sohasida qoldirgan bebaho merosi butun insoniyatning ma’naviy mulki hisoblanadi. Hozirgi kunda O‘zbekistonimizning kitob fondlarida 100 mingdan ziyod qo‘lyozma asarlar saqlanmoqda. Afsuski, bu nodir kitoblar hali to‘liq o‘rganilmagan, ular olimlar va o‘z o‘quvchilarini kutib turibdi. Ushbu noyob asarlarda bugungi davr o‘rtaga qo‘yayotgan juda ko‘p dolzarb muammolarga javob topish mumkin”, deganini eshitib, ruhlanib ketdim va bu boradagi ishtiyoqim yanada ortdi.
Ana shu niyatni dilimga tugib, bugun ingliz, nemis, turk va fors tillarini o‘rganyapman, buyuk ajdodlarimizning asarlarini asl tilida o‘qib, tahlil qilyapman. Maqsadim – ulug‘ zotlarning bebaho merosini keng targ‘ib qilish, o‘zbek madaniyati, boy tarixini butun dunyoga ko‘z-ko‘z etishdir.
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Karmanalik ishbilarmon xotin-qizlar saralanyapti
03.05.2024, 16:17
-
Yoshlar o‘zaro bellashdilar
03.05.2024, 14:16
-
Xalqaro investisiya forumi amaliy hamkorlikni sifat va mazmun jihatidan mutlaqo yangi, yanada yuksak bosqichga olib chiqadi
03.05.2024, 09:34
-
Xalqaro investitsiya forumi amaliy hamkorlikni sifat va mazmun jihatidan mutlaqo yangi bosqichga olib chiqadi
02.05.2024, 16:34
-
Navoiylik ishbilarmon xotin-qizlar mahallalar kesimida saralanyapti
02.05.2024, 16:27
Fikringizni qoldiring