O‘zbekiston-Hindiston: hamkorlikning yangi qirralari ochilmoqda

04.04.2019, 11:23

Akbar Muzaffarov
Akbar Muzaffarov

O‘zLiDeP Siyosiy Kengashi Ijroiya qo‘mitasi mas’ul xodimi

Avval xabar berganimizdek, O‘zbekiston Respublikasi Prezidenti Shavkat Mirziyoyev Hindiston Respublikasi Bosh vaziri Narendra Modining taklifiga binoan 17-18 yanvar kunlari ushbu mamlakatda amaliy tashrif bilan bo‘lib, «Jo‘shqin Gujarat – 2019» IX xalqaro investitsiya sammitida ishtirok etdi.

Ushbu amaliy tashrif Osiyoning qudratli davlatlaridan biri Hindiston bilan O‘zbekiston o‘rtasidagi tarixiy munosabatlarni yangi bosqichga ko‘tarishga yana bir muhim qadam bo‘ldi deyish mumkin. Negaki, tashrif davomida ko‘plab masalalar bo‘yicha fikr almashildi, hamkorlikning yangi qirralarini ochish bo‘yicha kelishuvlarga erishildi.

Ta’kidlash lozimki, Hindiston bilan iqtisodiy aloqalarni rivojlantirish har tomonlama foydali va muhimdir. Boisi, bugungi kunda iqtisodiy taraqqiyotning rivojlanishi va aholi turmush darajasining ko‘tarilishi nuqtai nazaridan Hindiston tez rivojlanmoqda.

Xalqaro valyuta jamg‘armasi 2018 yilda moliyaviy ko‘rsatgichlari bo‘yicha Hindiston Xitoydan kamida 7,4 foizga o‘zib ketishini taxmin qilishgandi va amalda bu o‘z isbotini topmoqda.

Buning sabablaridan biri sifatida Hindistondagi 100 milliondan ortiq kichik firmalarning muvaffaqiyatli ishlab turgani keltirilmoqda. Yana bir qiziq ma’lumot. 2017 yilda Hindiston Fransiyani quvib o‘tib, yalpi ichki mahsulot ishlab chiqarish hajmi bo‘yicha dunyo mamlakatlari ro‘yxatida oltinchi o‘rinni egalladi. Soha ekspertlari yaqin o‘n yilda Janubiy Osiyoning bu mamlakati jahonning uchta yirik iqtisodiyotlaridan biriga aylanishini bashorat qilayotganlari ham bejiz emas. Negaki, oxirgi yillarda davlat sanoatni va ilg‘or axborot texnologiyalarini kuchaytirish, eksportni kengaytirish va global integratsiya jarayonlarida faol qatnashish hisobiga jiddiy siljishga qo‘l urdi.

Ma’lumki, Prezidentimiz parlamentga qilgan murojaatnomasida iqtisodiyotning barcha sohalarini raqamli texnologiyalar asosida yangilashni nazarda tutadigan Raqamli iqtisodiyot milliy konsepsiyasini ishlab chiqish, shu asosda “Raqamli O‘zbekiston – 2030” dasturini hayotga tatbiq etish, shuningdek, axborot texnologiyalari asosida bank tizimini rivojlantirish, Zamonaviy axborot-kommunikatsiya texnologiyalaridan keng foydalanib, davlatimiz chegara xavfsizligini kuchaytirish va nazorat sifatini oshirish, umuman ilmiy yondashuvlar asosida qator sohalarga zamonaviy axborot-kommunikatsiya texnologiyalarini joriy etish vazifalarini belgilab bergan edilar. 

Aytish jizki, Hindistonning AKT borasidagi tajribasini o‘rganish bu boradagi vazifalarni sifatli va samarali amalga oshirishda ayni muddaodir. Negaki, bugungi kunda Hindiston dasturiy mahsulotlar ishlab chiqarishda dunyoning yetakchilaridan biridir. Ma’lumotlarga qaraganda, ushbu mamlakatda AKTning yalpi ichki mahsulotdagi ulushi 7,7 foizni tashkil qiladi. O‘zbekiston dasturiy mahsulotlar bozorini rivojlantirishda Hindiston tajribasini o‘rganish shu jihatdan foydadan holi bo‘lmaydi. Qolaversa, Hindistonda AKT sohasida kadrlar tayyorlash darajasi ham yuqori reytinglarda baholanadi. O‘zbekiston uchun bu yo‘nalishdagi hamkorlik ham yaxshi samara beradi.

Umuman olganda, O‘zbekiston-Hindiston o‘rtasidagi ikki tomonlama hamkorlik aloqalarining yildan-yilga yangi qirralari kashf etilmqoda. Bu esa har ikki tomon uchun ham birdek manfaatlidir.   


  • Ko'rildi
    323
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Танирбергенов Байрамбай Аскербаевич O’zLiDeP Қорақалпоғистон Республикаси Кенгаши Бошланғич партия ташкилотлари билан ишлаш гуруҳи раҳбари2018-05-15 12:18:25

9 май Хотира ва қадрлаш куни юртимизда кенг миқёсида белгиланмоқда. Президентимиз ташаббуси билан байрам тадбирини мана шундай кўринишда нишонлаш бўйича берган таклифи халқимизга жуда маъқул бўлмоқда.


Жиззах вилояти Давр -М корхонаси БПТ раиси Азимов Бутинбой 2018-05-08 17:23:59

Президентимизнинг тадбиркорларга берган имкониятлари Наманган ҳалқини янада руҳлантирди.


Турдиев Юсуп Ғузор туман кенгаши O`zLiDeP депутатлик гуруҳининг ижрочи котиби2018-05-08 16:25:35

Юртбошимиз барча вилоятга ташрифи давомида ҳеч бир соҳа ёки йўналиш эътибордан четда қолмаяпди. Тадбиркорлар бой булса халкни бокади, Президентимиз вилоятларга қилган ташрифлари давомида тадбиркорларнинг муаммоларини ҳал этиш, хом ашё етказиб бериш ва маҳсулотини сотишга кўмаклашишда масулларга керакли кутсатма ва тавсиялани бермокда.


O`zLiDeP Қизилтепа туман депутатлик гуруҳи раҳбари Ў.Сайфиев2018-05-08 16:06:42

Ш.Мирзиёевнинг ҳар бир вилоятга ташрифи чоғида янги саноат корхоналари ва тадбиркорлик субъектлари ташкил этиш, аҳоли, айниқса, ёшлар бандлигини таъминлаш бўйича таклиф ва тавсиялар, кўрсатмалар бериб, уларни амалга ошириш юзасидан бажарилган ишлар мониторингини юритиш орқали кучли назорат ўтказиб, юртимиз равнақи учун жон куйдирмоқдалар. Ҳар бир вилоятга ташриф чоғида давлатимиз раҳбари тадбиркорларнинг муаммоларини ҳал этиш, хом ашё етказиб бериш ва маҳсулотини сотишга кўмаклашиш бўйича ҳам ўз ёрдам ва маслаҳатларини аямайдилар. Шундай экан мен каби депутатлар ҳам ватан равнақи йўлида янада шижоатли ишлашга ва халқимиз ишончини оқлашга ҳаракат қиламиз.


O`zLiDeP депутатлик гурухи депутати ва "Кубаро Диёр" кўп тармоқли фнрмер хўжалиги раиси Х.Рахмонов2018-05-08 16:02:26

Юртбошимиз томонларидан ҳар бир ҳудудга шахсан ўзлари боришлари ва ҳар бир тадбиркор бўладими ёки фермер билан учрашишлари ва улрнинг фаолияти ҳамда муаммоларини жойида ҳал этишлари улкан эътибордир.


Қўшработ тумани ижрочи котиби Бойпўлатов Шухратжон2018-05-08 15:37:34

Президентимиз Қарори билан вилоят ва туманларда ишлаб чиқариш учун янги техналогияларни чет эл мамлакатлари билан шартнома имзолаш ва Ўзбекистонда хам сифатли махсулот ишлаб чиқарилишини таъминлаш ва Ҳалқ манфатини кўзлаб тадбиркорларга кенг имкониятлар яратилмоқда ўтган икки йил давомида жуда катта ўзгаришлар бўлиб ҳалқимиз бу ўзгаришлардан минаддор.


O'zLiDeP Боғот туман Кенгаши депутати Г.Рахимова2018-05-08 15:34:37

Президентимиз томонидан олиб борилаётган ишлардан миннатдормиз.


Гўзал Ҳайитова-Навбаҳор тумани "Агробанк" БПТ раиси2018-05-08 14:45:46

Юртбошимиз томонидан яратиб берилаётган имкониятлардан унумли фойдаланишимиз керак.


С.Рахимова-Навбаҳор туман Кенгаши раиси2018-05-08 14:13:07

Ўзим қишлоқ хўжалигида бир неча йиллар фаолият олиб борганлигим сабабли шуни айтаманки, яратиб берилаётган шароитлар ҳар бир тадбиркор ва фермерни руҳлантириб, юқори натижаларга эришишига ўз ҳиссасини қўшади.


АТБ "Агорбангк" Қўшработ филиали қошидаги БПТ раиси В. Савурова2018-05-08 13:49:12

Президентимиз вилоятларга ташрифлари давомида ички ва ташқи туризимни ривожлантиршка катта этибор қаратмоқда. Хозирда Самарқанд шахридаги мехмонхоналар, зиёратгохлар ва диққатга сазавор жойлар сайохлар билан тўлиб тошмоқда бу еса Республикамиз ялпи ички махсулотидаги туризим улушининг ўсиб боришига асос бўлмоқда.


Fikringizni qoldiring

+