“Humo arena” — asr koshonasi

04.04.2019, 11:36

O‘tkir Bo'tayev
O‘tkir Bo'tayev

Oliy Majlis Qonunchilik palatasidagi O‘zLiDeP fraksiyasi a’zosi

Bayramlarning shukuhi, ohanrabosi o‘zgacha bo‘ladi. Ayniqsa, Navro‘zi olamning bizning o‘lkamizga tashrifi butunlay boshqacha ruh, kayfiyat bag‘ishlaydi. Yilboshi arafasida yurtimizning barcha go‘shalari bayramona libosga burkanyapti. Shu ma’noda poytaxtimiz markazida, yana bir muhtasham koshona — “Humo arena” zamonaviy muz saroyi­ning juda qisqa fursatda bunyod etilib, foydalanishga topshirilgani, mubolag‘asiz aytish mumkin, mamlakatimiz tarixida unutilmas voqeaga aylandi.

To‘g‘ri, dunyoda muz saroylari ko‘p, lekin ular orasida o‘zining murakkab va mukammal loyihasi bilan butunlay ajralib turguvchi inshootlar kam. E’tiborli jihati, asrimizning yana bir go‘zal va eng so‘nggi zamonaviy uslublarda qad ko‘targan bu sport saroyi dunyoning o‘ndan ortiq firma va kompaniyalari ishtirokida qurildi.

Endi tasavvur qiling, agar bundan ko‘p emas, besh-o‘n yilgina avval ham Toshkentning Afrosiyob va Beshyog‘och ko‘chalari kesishgan shu chorrahada ana shunday zalvorli inshoot bunyod bo‘ladi, desa ishonarmidik. Albatta, yo‘q. Bugun esa keyingi ikki yildan ko‘proq muddat oralig‘ida ro‘y bergan tarixiy o‘zgarishlar mevasi sifatida e’tirof etilayotgan bunyodkorliklar qatorida “Humo arena”ning ham borligi har bir vatandoshimizni ruhlantiradi. 

 Ushbu majmua haqidagi ma’lumotga nazar tashlaylik: inshoot ikki qismdan iborat bo‘lib, unda asosiy va mashq muz arenalari joylashgan. Umumiy maydoni 82 ming 250 kvadrat metrdan iborat 6 qavatli saroyning eng baland nuqtasi 40 metr. Mobil o‘rindiqlar bilan jihozlangan inshootda xokkey musobaqalarini 12 yarim ming, boshqa sport bellashuvlarini 14 ming, konsert va ko‘ngilli dam olish dasturlarini esa o‘n ming tomoshabin kuzatadi. Bundan tashqari, mazkur maskanda yana o‘nlab sport turlari bo‘yicha ham bahslar, umumxalq bayramlari, ko‘rgazma va forumlar o‘tkazish mumkin.

O‘ziga xos ramziy nom va ulkan imkoniyatga ega bo‘lmish bu betakror sport kompleksining tantanali ochilish marosimidagi nutqida Prezidentimiz bejiz o‘tgan asrning yetmishinchi yillaridayoq Toshkentda “Yubileyniy” muz sporti saroyi, “Binokor” xokkey jamoasi, Toshkent viloyatida tog‘-chang‘i trassasi mavjud bo‘lganiga to‘xtalmadi. Negaki, istalgan sport turi biz uchun begona emas, aksincha, bizning xalqimiz qonida azaldan sportsevarlik, jasurlik va o‘ktamlikka intilish, mehr-muhabbat bor. Demak, bu kabi sharafli an’analar izchil davom etaveradi. Ta’bir joiz bo‘lsa, muhtaram yurtboshimiz alohida ta’kidlab o‘tganidek, “Humo arena” “O‘zbekiston sporti tarixida yangi bosqichni boshlab beradi”.

 


  • Ko'rildi
    120
  • Chop etish
  • Do'stlar bilan ulashish
← Orqaga qaytish

Bildirilgan fikrlar

Оразбай Тулепов Нукус туман Кенгаши раиси 2018-05-15 13:06:12

Президентимизнинг чиқараётган қарорлари партиямиз электоратлари учун катта хизмат қилади. Қарор ушбу соҳани янада ривожантириши, малакали мутахасисларни таёрлаши, янги саъноат корхоналарининг жойларда ишга тушиши демакдир


Аптаров Аслиддин O‘zLiDeP Навоий вилоят Кенгаши ходими 2018-05-09 12:44:46

“Чарм-пойабзал ва мўйначилик соҳаларини ривожлантириш ва экспорт салоҳиятини оширишни янада рағбатлантириш чора-тадбирлари тўғрисида”ги қарорнинг қабул қилиниши мамлакатимизда ушбу соҳанинг янада ривожланишига хизмат қилади. Бугунги кунда юртимизда чорвочилик соҳаси ривожланиб бориши билан бир қаторда соҳани хомашёси бўлган махсулотларни қайта ишлаш ва экспорт қилиш борасида фойдаланилмаган имкониятлар жуда кўп. Эндиликда ушбу қарор асосида соҳани янада ривожантириш, малакали мутахасисларни таёрлаш, янги саъноат корхоналарини барпо этиш борасида кенг имкониятлар яратилди.


Астонов Қобил Насриддинович O'zLiDeP Навоий вилоят Кенгаши аппарати раҳбари в.б2018-05-09 10:32:05

Президентимизнинг “Чарм-пойабзал ва мўйначилик соҳаларини ривожлантириш ва экспорт салоҳиятини оширишни янада рағбатлантириш чора-тадбирлари тўғрисида”ги қарори бугунги кунинг долзарб қарорларидан бири деб ўйлайман. Бугунги кунда ушбу соҳани ривожлантириш, етук мутахассислар тайёрлаш, ривожлантиришни даврнинг ўзи талаб қилмоқда. Қолаверса, чарм махсулотлари инсон соғлиги учун ҳам катта аҳамиятга эга.


Ибодуллаева Дилфуза-Навбаҳор тумани2018-05-09 09:04:12

Ёш тадбиркор бўлганлигим сабабли ҳар гал тадбиркорларни қўллаб-қувватлаш учун чиқарилаётган қарорлардан хурсанд бўламан. Шу юрт фарзанди бўлганлигимдан чексиз мамнунман.


О.Атақулов-Навбаҳор туман Кенгаши аппарат раҳбари 2018-05-09 07:59:07

Мазкур қарор тадбиркорнинг иш фаолиятини унумдорлигини ошириш билан бир қаторда, ишлаб чиқарилаётган маҳсулотнинг сифатини кафолатлайди.


Қашқадарё вилояти Кенгаши аппарат раҳбари - А.Шеров2018-05-08 18:19:39

Президентимизнинг 2018 йил 3 майда қабул қилинган “Чарм-пойабзал ва мўйначилик соҳаларини ривожлантириш ва экспорт салоҳиятини оширишни янада рағбатлантириш чора-тадбирлари тўғрисида”ги қарори мазкур соҳа ривожига катта ҳизмат қилади. Тадбиркорларимизга ҳам улкан имкониятлар эшигини очади.


Fikringizni qoldiring

+