Faxriylar Kengashi a’zolari nuroniylar holidan xabar olishdi
07.04.2022, 14:29
Inson qadrini ulug‘lash va xalq manfaatlari ustunligini ta’minlash, aholining ijtimoiy himoyaga muhtoj qatlamini qo‘llab-quvvatlash kabi ezgu ishlarga bosh qo‘shish turli sohalarda mehnat qilayotgan rahbar xodim, deputat, qolaversa, o‘zini shu yurt farzandiman deb bilgan har bir fuqaroning insoniylik burchidir.
O’zLiDeP Izboskan tuman kengashi qoshidagi Faxriylar Kengashi a’zolari tomonidan “Ittifoq”, “Mirzo Ulug‘bek” va “Qashqarlik” MFYlarda yashovchi mehnat faxriylari hamda imkoniyati cheklangan keksalar holidan xabar oldilar. Saxovat va ko‘mak tadbiri doirasidagi mazkur tadbirda tuman tibbiyot bo‘limi mas’ul xodimlari hamrohlik qildilar.
To‘shakka mixlanib qolgan 6 nafar fuqaroning uyiga borib tibbiy ko‘rik tashkil etildi. Ularning har birining uy sharoitida davolanishlari bo‘yicha sog‘lomlashtirish rejasi tuzildi. Davolash-sog‘lomlashtirish tadbirlari boshlab yuborildi.
Tibbiy ko‘rik jarayonida “Ittifoq” MFY, 7-ko‘chasida yashovchi Xanifaxon Qo‘ziyeva ko‘zidagi xastalik bo‘yicha shifokorga murojaat qildi. Mazkur masala ijobiy hal qilinib, viloyat shoshilinch tez tibbiy yordam kasalxonasida imtiyozli davolanish uchun yo‘llanma rasmiylashtirildi.
Mana shunday ezguliklarga bosh qo‘shish, xalqimizning yashash sharoitini yanada yaxshilash borasida amalga oshirilayotgan ishlar ko‘lami kun sayin ortib bormoqda.
O'xshash yangiliklar
-
Buxoro tumani mahallalarida “Ishbilarmon ayol-2024” ko‘rik-tanlovining saralash bosqichlari davom etmoqda
06.05.2024, 13:41
-
Uchinchi Toshkent xalqaro investitsiya forumi - mamlakatimiz rivojidagi yangi imkoniyatlar eshigidir!
04.05.2024, 20:11
-
Baliqchilik ishbilarmon ayollar saralanyapti
04.05.2024, 20:10
-
O‘zaro manfaatli va ishonchli hamkorlik yangi marralarga chorlaydi
04.05.2024, 20:04
-
Ohangarondagi ishbilarmon ayollar faoliyati qo‘llab-quvvatlandi
04.05.2024, 20:01
Fikringizni qoldiring