O‘zLiDeP “Ayollar qanoti” faoli mahallada xususiy klinika ochdi
06.05.2022, 15:40
Samarqand shahridagi “G’iyosiddin Jamshid” mahallasida tibbiy-sanitariya yordamini aholiga yanada yaqinlashtirish va aholining ko‘rsatiladigan tibbiy xizmatdan bahramandligini oshirish maqsadida “Star med” xususiy tibbiy klinikasi tashkil etildi.
Bugun mazkur mahalla tibbiyot klinikasining foydalanishga topshirilishi munosabati bilan ochilish marosimi o‘tkazildi. Tadbirda sektor rahbarlari, tibbiyot xodimlari, mahalla faollari ishtirok etib, xususiy klinikada yaratilgan sharoitlar bilan yaqindan tanishdilar.
O‘zLiDeP Samarqand shahar Kengashi “Ayollar qanoti” faoli Dilafruz Xolmurodova tashabbusi bilan tashkil qilingan klinikada 32 nafar tibbiyot sohasi vakillari ish bilan ta’minlandi. Klinika statsionar 15 nafargacha, ambulator 60 kishini qabul qilishga mo‘ljallangan bo‘lib, zamonaviy jihozlangan klinikada fizioterapiya, UZI diagnostika, terapevt, pulmonolog, revmatolog, kardiolog, laboratoriya hamda dorixona aholiga beminnat xizmat qilmoqda.
Shuningdek tadbir davomida aholiga, ayniqsa xotin-qizlarga bepul tibbiy ko‘rik tashkil qilinib, 40 ga yaqin xotin-qizlar bepul tibbiy ko‘rikdan o‘tishdi.
Marxabo Chuliyeva,
O‘zLiDeP Samarqand viloyat Kengashi
bo‘lim mudiri
O'xshash yangiliklar
-
Mingdan ortiq shogird tarbiyalagan ishbilarmon Madina Kasimbayeva tanlov g‘olibi bo‘ldi
14.05.2024, 14:07
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
Fikringizni qoldiring