Davlatning ijtimoiy majburiyatlariga doir normalar oshmoqda
25.03.2023, 16:05
Navoiy viloyati Konimex tumanida Yangilanayotgan Konstitutsiyaning mazmun-mohiyati va ahamiyatini tushuntirishga bag‘ishlangan seminar tashkil etildi.
Unda so‘z olgan Oliy Majlis Qonunchilik palatasi deputati A.Tulegenova va boshqalar yangilanayotgan Konstitutsiya taraqqiy etgan davlat – Yangi O‘zbekistonni qurish g‘oyasi atrofida butun jamiyatimizni jipslashtirishi, unda barcha qatlam manfaatlari inobatga olinganini alohida ta’kidlashdi.
Bosh qomusimizda kambag‘allikni qisqartirish, bandlikni ta’minlash, ishsizlikdan himoya qilish bo‘yicha davlat o‘ziga qator yangi majburiyatlar olishi belgilanayotgani, davlatning ijtimoiy majburiyatlariga doir normalar uch barobarga oshayotgani qayd etildi.
—Yangi tahrirdagi Konstitutsiyamizda davlat boshqaruvi tizimini modernizatsiya qilish va bugungi kun talablariga moslashtirish masalalari ham o‘rin olgan, — deydi quyi palata deputati A.Tulegenova. —Jumladan, Qonunchilik palatasi bilan Senatning birgalikdagi vakolatlari, har bir palataning alohida-alohida vakolatlari va mas’uliyat sohalari aniq belgilab berilmoqda.
Navoiy davlat konchilik va texnologiyalar universitetida bo‘lib o‘tgan tadbir davomida ham Konstitutsiyaviy qonun loyihasining mazmun-mohiyati yig‘ilganlarga keng tushuntirildi.
O'xshash yangiliklar
-
Davlat dasturidan kelib chiqadigan partiya va fraksiya oldidagi vazifalar muhokama qilindi
26.02.2024, 21:34
-
Deputat maktab kutubxonasiga 100 dan ortiq badiiy asarlar va adabiyotlar tuhfa qildi
14.02.2024, 17:25
-
Muhim va ustuvor vazifalar belgilab olindi
31.01.2024, 17:53
-
“Ayollar daftari” bilan manzilli ishlashning shaffof mexanizmi yaratiladi
30.01.2024, 12:29
-
Deputat jarqo‘rg‘onlik tadbirkorlar muammosini o‘rgandi
30.01.2024, 10:11
Fikringizni qoldiring