Namangan tumani “Katta toshbuloq” MFY “Mustaqillikning 5 yilligi” ko‘chasida joylashgan ko'p qavatli 16-uyda yashovchi xonadon egalari ko‘pdan beri ichimlik suvi muammosidan qiynalardi. Xonadon egalari ayni shu muammo yuzasidan bir necha marta mutasaddi idoralarga murojaat qildi natija bo‘lmadi. “Otangga bor, onangga bor”, degan gap-so‘zlardan toqati toq bo‘lgan xonadon egalari oxiri O‘zLiDeP Namangan tuman Kengashidan yordam so‘radi.

– Ko‘pdan beri ichimlik suvini avtomobil yordamida tashib kelar edik, – deydi Katta toshbuloqlik Nasiba Jo‘rayeva. – Qo‘shnilar bilan maslahatlashib, O‘zLiDeP tuman Kengashidan yordam so‘rashga qaror qildik. Partiyaning tashabbusi bilan uyimizga ichimlik suvi yetkazib berish va kanalizatsiya muammosi hal etildi. 

Ta’kidlash joiz, partiya tomonidan amalga oshirilayotgan bu kabi savobli ishlarning ko‘lami tobora kengayib bormoqda. Eng muhimi, bunday amaliy ishlar natijasida aholining O‘zLiDePga ishonchi ortib, hayrixohlarimiz safi kengaymoqda.   

Yulduz YO‘LDASHEVA,

O‘zLiDeP  Namangan viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!